كاتالونيانىڭ ءىرى بانكتەرى شتاب پاتەرلەرىن اۋىستىرماق

كاتالونيانىڭ ەڭ ءىرى بانكتەرىنىڭ ءبىرى Sabadell شتاب پاتەرىن يسپانيانىڭ اليكانتە قالاسىنا كوشىرۋ تۋرالى شەشىم قابىلدادى. ولار مۇنداي شەشىمدى بانك باسقارماسىنىڭ شۇعىل كەزدەسۋىنەن كەيىن قابىلداعان جانە بۇل كاتالونيانىڭ يسپانيادان ءبولىنىپ شىعۋ تۋرالى شەشىمىمەن بايلانىستى بولۋى مۇمكىن. 

بۇدان بولەك Reuters اگەنتتىگىنىڭ مالىمەتىنشە، اتالعان بانكتىڭ باسەكەلەسى  Caixabank تە كاتولونيادان شتاب پاتەرىن اۋىستىرۋ تۋرالى جينالىس وتكىزۋدى جوسپارلاپ وتىر. وسىعان بايلانىستى مادريد بيلىگى دە قارجى ينستيتۋتتارىنىڭ كاتالونيادان كوشۋىن جەڭىلدەتەتىن بۇيرىق شىعارۋدى قاراستىرىپ جاتقان كورىنەدى. ال ول بۇيرىق شىقسا، كاتالوندىق بانكتەر اكتسيونەرلەر جينالىسىن وتكىزبەي-اق، زاڭدى مەكەن-جايىن وزگەرتە الادى.

دەگەنمەن بانكتەردىڭ كوشىپ كەتۋى كاتالونيانىڭ قارجى سالاسىنا قاتتى سوققى بولارى انىق.

ايتا كەتەيىك، كاتالونيانىڭ تاۋەلسىزدىك ءۇشىن وتكىزگەن رەفەرەندۋمى كەزىندە بولعان قاقتىعىس سالدارىنان كەيبىر كرەديت اگەنتتىكتەرى ەلدىڭ رەيتينگىن تومەندەتىپ جاتىر. مىسالى 5 قازان كۇنى Fitch رەيتينگ اگەنتتىگى "كوتپەگەن كۇتپەگەن وقيعالاردىڭ بولۋىنا بايلانىستى" كاتالونيانىڭ كرەديتتىك رەيتىنگى تومەندەۋى مۇمكىن ەكەنىن ايتقان. Standard & Poor’s اگەنتتىگى بولسا،   اتالعان ەلدىڭ رەيتينگىن "B+/B" دەڭگەيىندە بەلگىلەپ،  "الداعى ءۇش ايدا باسەڭدەۋى مۇمكىن" دەپ مالىمدەدى.

“The Qazaq Times”