فوتو: ysia.ru

قازاقستاندا بەنزين باعاسى تاعى كوتەرىلىپ، ەڭ كوپ پايدالانىلاتىن اي 92 ماركالى جانارماي قۇنى 151 تەڭگەگە دەيىن جەتتى. 

سونىمەن قازىرگى ۋاقىتتا  "گازپروم نەفت-قازاقستان" جانار-جاعارماي بەكەتىندە اي 92 ماركاسىنىڭ ءليترى 151 تەڭگە بولىپ بەلگىلەندى. اي 98 ماركاسى 181 تەڭگەدەن ساتىلىپ جاتىر. ديزەل وتىنى 150 تەڭگە.

"Helios" بەكەتتەرىندەگى اي 92 باعاسى 150 تەڭگە، اي 95 164 تەڭگە. ديزەل وتىنىن ساتىپ الۋ ءۇشىن 151 تەڭگە تولەيسىز.

"Royal Petrol" جانار-جاعارماي بەكەتتەرىندە اي-92  150 تەڭگەدەن ساتىلىپ جاتىر. اي 95 باعاسى - 164 تەڭگە.
"Sinooil" جانارماي بەكەتتەرىندە اي 92  ماركالى بەنزين باعاسى ازىرگە 146 تەڭگە دەپ بەلگىلەنگەن.  اي 95 ماركاسى 161 تەڭگەدەن ساتىلۋدا.
"قازمۇنايگاز ونىمدەرى" جشس-نىڭ سايتىندا كورسەتىلگەن باعا بويىنشا اي-92 الماتىدا 147 تەڭگەدەن ساتىلىپ جاتىر. اي-95 بەنزينى - 160 تەڭگە.

ايتا كەتەيىك، بەنزين باعاسى قىركۇيەك ايىنىڭ باسىندا عانا 147 تەڭگەگە دەيىن كوتەرىلگەن بولاتىن. مۇنى ەنەرگەتيكا مينيسترلىگى رەسەيدەن كەلەتىن بەنزين كولەمىنىڭ قىسقارۋىمەن جانە شىمكەنت جانە پاۆلودار مۇناي وڭدەۋ زاۋىتتارىنىڭ قايتا جوندەۋ جۇمىستارى ءۇشىن جابىلۋىمەن تۇسىندىرگەن.

تاعى ءبىر ەسكەرەتىن جايت، رەسەي ەكسپورتتالاتىن مۇناي جانە مۇناي ونىمدەرىنە باج سالىعىن ۇلعايتتى. ال بۇدان كەيىن قازاقستاندا دا رەسەيدەن كەلەتىن مۇناي شيكىزاتىنىڭ باعالارى قىمباتتايدى دەگەن ءسوز. ياعني بەنزين باعاسى الداعى ۋاقىتتا تاعى جوعارىلاي ءتۇسۋى مۇمكىن.

“The Qazaq Times”