رەسەي مەن اقش بىرلەسكەن ايعا جاقىن عارىش ستانتسياسىن سالۋ جوباسى. فوتو: Popular Science.

اقش پەن رەسەي عارىش زەرتتەۋ اگەنتتىكتەرى ەكى ەل اراسىنداعى ساياسي شيەلەنىستەرگە قاراماستان عارىش زەرتتەۋ سالاسىندا كەلىسىمگە قول جەتكىزدى.  رەسەيدىڭ ۇلتتىق اەروعارىشتىق كورپوراتسياسى وسىدان ءبىر كۇن بۇرىن حابارلاما جاريالاپ،  اقش اۆياتسيا جانە عارىش باسقارماسىمەن (NASA)  ايدىڭ اينالاسىندا حالىقارالىق عارىش ستانتسياسىن سالۋ جونىندە ىنتىماقتاستىق ورناتقانىن مالىمدەدى. بۇل تۋرالى «شينحۋانىڭ» رەسمي سايتى جازىپ وتىر.

NASA ناۋرىز ايىندا ايعا جاقىن عارىشتىق ايالداما سالۋدى ۇسىنعان بولاتىن. بۇل ادامداردىڭ عارىشقا قادام باسۋ ۇزاق مەرزىمدى جوسپارىنىڭ ءبىر بول3گى دەۋگە بولادى. ءبىر كۇن بۇرىن اeستراليانىڭ ادەلايدا قالاسىندا وتكەن حالىقارالىق عارىشتىق كونفەرەنتسيا بارىسىندا، رەسەيدىڭ  ۇلتتىق اەروعارىشتىق كومپانيا باسشىسى يگور كوماروۆ جۋرناليستەرگە رەسەي مەن اقش عارىش زەرتتەۋ ۇيىمدارىنىڭ اتالعان جوبادا كەلىسىم جاساسقانىن مالىمدەدى. ونىڭ ايتۋىنشا باعدارلاماعا وزگە ەلدەردە قاتىسا الادى.

رەسەي عارىش اگەنتتىكتەرىنىڭ مالىمدەمەسىنە سايكەس، ايعا جاقىن عارىش ستانتسياسى جەردەگى قازىرگى حالىقارالىق عارىشقا ۇشۋ ستانتسيالارىنىڭ ۇلگىسىندە جاسالادى. ستانتسيا قۇرىلىسى 2025 جىلعا قاراي باستالادى دەلىنگەن. جوبا بويىنشا الدىمەن ايعا جاقىن كەڭىستىكتە قازىرگى تاجىريبەگە نەگىزدەلگەن ستانتسيا قۇرلىسى 2024-2026 جىلدارى اراسىندا باستالۋى مۇمكىن. ەكىنشى، كەزەڭدە وسى عارىش ستانتسياسى ارقىلى مارسقا الەم كەمەلەرى ۇشىرىلاتىن بولادى.

قازىرگى كەزدەگى اقش-رەسەي اراسىنداعى ساياسي جاعدايدىڭ شيەلەنىسىنە قاراماستان، ەكى ەل ورتاسىندا عارىش ستانتسياسىنىڭ اينالاسىندا جانە «حالىقارالىق تەحنيكالىق ستاندارتتار» بويىنشا باسقا دا ءىس-ارەكەتتەر جاساۋ ءۇشىن ىنتىماقتاستىقتار داميدى. قازىردىڭ وزىندە تاراپتار بولاشاق اي عارىشتىق ستانتسيالارىنا قوندىرعىلار ورناتۋ ستاندارتتارى تۋرالى كەلىسىمگە كەلدى. ال، الداعى ۋاقىتتا ەكى تاراپ ايدىڭ وربيتاسىندا جانە ايدىڭ بەتىندە عىلىمي جانە تەحنولوگيالىق قىزمەتتى ۇيىمداستىرۋ جۇيەسىن قۇرۋ بويىنشا ىنتىماقتاستىقتى جۇزەگە اسىرماق.

“The Qazaq Times”