فوتو: Oxu.az

تۇركيا قارۋلى كۇشتەرى ستامبۇل قالاسىندا لاڭكەستىككە قارسى ارنايى وپەراتسيا وتكىزدى.

Report اقپارات اگەنتتىگىنىڭ مالىمەتىنشە، ارنايى وپەراتسيا ءبىر ۋاقىتتا ستامبۇل قالاسىنىڭ توعىز اۋدانىندا جۇرگىزىلگەن. وپەراتسيا بارىسىندا «كۇردىستان جۇمىسشىلار پارتياسى» لاڭكەستىك ۇيىمىنىڭ 20 مۇشەسى قولعا ءتۇسىپ، ولاردان ءبىر تاپانشا، ون سيگنالدى زىمىران جانە تەرروريزمگە ۇگىتتەيتىن كىتاپتار مەن جازبا ماتەريالدار تاركىلەنگەن. كەيىنەن قولعا تۇسكەندەر اراسىنان 4 ادام بوساتىلعان.

رەسمي انكارا يراك كۇردىستانىندا وتكەن رەفەرەندۋمنان كەيىن ەل اۋماعىندا قاۋىپسىزدىك شارالارىن كۇشەيتكەن. ال تۇركيا پرەزيدەنتى رەجەپ تايىپ ەردوعان يراك كۇردىستانى اۆتونومياسىنىڭ باسشىسى ماسۋد ءبارزانيدى ايماقتا ەشكىمنىڭ كەلىسىمىنسىز رەفەرەندۋم وتكىزگەنى ءۇشىن قاتاڭ سىنعا العان بولاتىن.

“The Qazaq Times”