سەمەي قالاسىندا الاش وردا جەتەكشىسى ءاليحان بوكەيحانوۆقا ارنالعان ەسكەرتكىش اشىلدى.

ەسكەرتكىش الاش وردا ۇكىمەتىنىڭ 100 جىلدىعى مەن ءاليحان بوكەيحانوۆتىڭ 151 جىلدىعىنا وراي ورناتىلعان. بيىكتىگى بەس مەترلىك بوكەيحانوۆ ەسكەرتكىشىنىڭ اشىلۋ سالاتاناتىنا زيالى قاۋىم وكىلدەرىمەن بىرگە وبلىس اكىمدىگىنىڭ باسشىلارى جانە «اق جول» پارتياسىنىڭ مۇشەلەرى قاتىسقان.

بۇعان دەيىن قالا اكىمى ەرمەك ءسالىموۆ ء"اليحان ەسكەرتكىشىن قالانىڭ قاي كوشەسىنە ورناتۋعا بولادى؟" دەگەن سۇراق بويىنشا ارنايى مەملەكەتتىك كوميسسيا قۇرعان. اتالمىش كوميسسيا بوكەيحانوۆ ەسكەرتكىشىن شاھاردا ءالى اتى وزگەرمەگەن لەنين كوشەسىنىڭ بويىنا قويۋ كەرەك دەپ شەشىم شىعارعان.

“The Qazaq Times”