ايتىسكەر اقىن، قر مادەنيەت قايراتكەرى ەگەۋحان مۇحاماديقىزى.

سوناۋ سەكسەنىنشى جىلداردىڭ اياعى - ەل تاۋەلسىزدىگىنىڭ قارساڭىندا، كۇللى قازاق جۇرتىنىڭ كوكەيىندە،  ايتىستا قارا ولەڭنىڭ قاسيەتىمەن جۇرتتى ءتانتتى ەتكەن، ايگىلى جىرشى قاتيموللا بەردىعاليەۆ قاراكەر دومبىراسىن سىيلاعان  ايتىسكەر انا بەينەسى وشپەستەي قالىپ قويدى.

سوناۋ مۇڭعوليانىڭ بايانولگەي ايماعىنداعى قايمانا قازاقتىڭ ساعىنىشىن الا كەلگەن قىزىن بۇكىل قازاق جۇرتى ىستىق ىقىلاسىمەن قارسى العان ەدى. سونىڭ ايقىن دالەلىندەي قاتيموللانىڭ قاراكەر دومبىراسى دا شەتتەگى قازاققا جولداعان ەلدىڭ اق كوڭىلىندەي بايانولگەي توپىراعىنا ولەڭشى قىزىمەن بىرگە كەتكەنى ءالى ەل ەسىندە.

القيسسا، قارا ولەڭنىڭ  بۇيداسىن جەتەلەگەن سول انامىز بۇگىندە بارشا قازاق بىلەتىن ەگەۋحان مۇقاماديقىزى ەدى. ارادا كوپ وتپەي  ەلىمىز ەگەمەندىك العان جىلدارى تاۋەلسىزدىك تاڭىمەن بىرگە انامىز  اتا مەكەنگە تۇبەگەيلى قايتا ورالدى. انىقىراق ايتساق ەل قۇشاعىنا ايگىلى حالىق اقىنى، بەلگىلى ات سىنشىسى كاپ قۇمارۇلىنىڭ وتباسى كەلدى. قاتيموللانىڭ قاراكەر دومبىراسى دا ەلمەن بىرگە كەلدى، دومبىراداي كۇمبىرلەپ قازاق ايتىسىنا كاپتىڭۇلى داۋلەتكەرەي كەلدى. قاراكەر دومبىرا جاقسىلقتىڭ ىرىمى بولدى. ەل مەن ەل قوسىلدى...

بۇگىن سىزدەردىڭ نازارلارىڭىزعا سول ونەگەلى انا ەگەۋحان مۇحاماديقىزىنىڭ باسقادا قىرلارىن اشىپ،  جان-جاقتىلى تانىستىرعان. «داراجول» باعدارلاماسىنداعى قازاق جۇرتىنا شەرتكەن سىرىن ۇسىنىپ وتىرمىز.

“The Qazaq Times”