ستامبۇل اۋەجايىندا ۇشاق اپاتقا ۇشىرادى (ۆيدەو)

ستامبۇل قالاسىندا ۇشاق اپاتقا ۇشىرادى – دەپ حابارلايدى DHA اقپارات اگەنتتىگى.

DHA مالىمەتىنشە، قىركۇيەكتىڭ 21 كۇنى ستامبۇل قالاسىنىڭ اتاتۇرىك اتىنداعى اۋەجايىندا TC-KON جەكە مەنشىك ۇشاعى اپاتقا ۇشىراعان. TC-KON ۇشاعى اپاتتان 10 مينۋت بۇرىن اتاتۇرىك اۋە جايىنان سولتۇستىك كيپر رەسپۋبليكاسىنا بەت العان. الايدا اۋەگە كوتەرىلگەن بەتتە ۇشاق ەكيپاجى قايتىپ قونۋعا رۇقسات سۇراعان. قونۋ بارىسىندا TC-KON ۇشاعى اۋەجاي جولاعىنان شىعىپ كەتۋ سالدارىنان ورتكە ورانعان. وقيعا ورىنىنا بارعان قۇتقارۋ قىزمەتى ۇشاق بورتىنان ەكى ۇشقىش، ءبىر ستيۋاردەسسا جانە ءبىر جولاۋشىنى شىعارىپ العان.

“The Qazaq Times”