پاكىستاننىڭ يادرولىق قارۋى. فوتو: گەوپوليتيكا.

ءۇندىستاننىڭ سالقىن پوزيتسياسىنا قارسى ەلدىڭ يادرولىق قارۋىن دامىتۋ باعدارلاماسىن تەز ارادا ىسكە اسىرۋ كەرەك. پاكىستان پرەمەر-ءمينيسترى شاحيد حاكان ابباسي مالىمدەمەسىندە وسىلاي دەدى. بۇل تۋرالى «شينلاڭ» اقپاراتتىق سايتى جازىپ وتىر.

«The Times Of India» باسىلىمىنىڭ حابارىنا قاراعاندا، 20 قىركۇيەك كۇنى اقش سىرتقى بايلانىستار جونىندەگى كوميتەتكە جاۋاپ رەتىندە، پاكىستاننىڭ پرەمەرى مالىمدەمە جاساپ، ەلدىڭ يادرولىق ارسەنالدى قازىرگى ۋاقىتتا تولىقتاي قاۋىپسىز كۇيدە ەكەنىن ايتقان. ول سوزىندە: «ستراتەگيالىق يادرولىق اكتيۆتەر ءۇشىن، ءبىز وتە قۋاتتى جانە قاۋىپسىز باسقارۋ جۇيەسىن ازىرلەدىك. پاكىستاننىڭ ۇلتتىق كوماندالىق بيۋروسىنىڭ (NCA) قاداعالاۋىمەن، ءبىزدىڭ يادرولىق اكتيۆتەرىمىز وتە قاۋىپسىز پروتسەستەن ءوتتى»، – دەدى.

ابباسي سول كۇنگى سوزىندە  پاكىستاندا كەز-كەلگەن تاكتيكالىق يادرولىق قارۋدى تاراتپايتىنىن، قىسقا مەرزىمدى يادرولىق قارۋدى دامىتۋ ءىسى تەك ءۇندىستاننىڭ «سالقىن پوزيتسياسىنا» قارسى تۇرۋ ءۇشىن ەكەنىن ەسكەرتتى. ول سوزىندە باسقا ستراتەگيالىق قارۋلار سياقتى، پاكىستاننىڭ قىسقا مەرزىمدى يادرولىق قارۋ-جاراقتى دامىتۋ ءىسىنىڭ دە ۇلتتىق كوماندالىق بيۋرونىڭ باقىلاۋىندا بولاتىنىن اتاپ كورسەتتى.

“The Qazaq Times”