رەسەي مەن قىتاي تىنىق مۇحيتتا بىرلەسكەن اسكەري جاتتىعۋ وتكىزدى

وسى دۇيسەنبى، دە الەم باسشىلارى بۇۇ باس اسسامبلەياسىندا جينالىپ جاتقان تۇستا، رەسەي مەن قىتاي تىنىق مۇحيتتىڭ سولتۇستىك-شىعىسىندا بىرلەسكەن اسكەري وقۋ جاتتىعۋلارىن باستادى. بۇل ەكى ەل اراسىنداعى اسكەري ىنتىماقتاستىقتىڭ جاڭا قاتىناستارىن كورسەتۋمەن بىرگە، رەسەيدىڭ اسكەري كۇش-جىگەرىن كورسەتۋگە ارنالعان ساحنانى دەۋگە بولادى. بۇل تۋرالى «The Wall Street Journal» باسىلىمى جازدى.

قىتاي قورعانىس مينيسترلىگىنىڭ بەرگەن مالىمەتىنە قاراعاندا، قىتاي مەن رەسەي اراسىنداعى بىرلەسكەن اسكەري قوۋ-جاتتىعۋ 8 كۇنگە جالعاسادى، ءارى جاتتىعۋ تەڭىزدە جانە قۇرلىقتادا وتكىزىلەدى دەلىنگەن. بۇل جاتتىعۋ سوعىس كەمەلەرىن اۋە شابۋىلدارىنان جانە بەتپە-بەت كەلگەن شابۋىل سوققىلارىنان قورعاۋ جاتتىعۋلارىن ءوز ىشىنە قامتيتىنى تۋرالى دا ايتىپ ءوتتى.

وسىعان دەيىن رەسەي مەن قىتاي اراسىندا رەسمي اسكەري وداقتاستىق بولىپ كورمەگەن. وسىدان بۇرىن سايتىمىزدا كورەي تۇبەگىندەگى اقش پەن ونىڭ وداقتاستارىنىڭ جاساعان قادامدارى رەسەي مەن قىتايدىڭ اسكەري جانە ساياسي وداقتاستىعىن قالىپتاستىرۋى مۇمكىن دەگەن بولجامدار ايتىلعان ەدى. رەسەي مەن قىتايدىڭ تىنىق مۇحيتتا وتكىزىپ وتىرعان بۇل اسكەري وقۋ-جاتتىعۋلارى اتالعان بولجامدى راستاپ وتىر. قىتاي-رەسەيدىڭ اسكەري وداقتاستىعى اقش پەن ونىڭ وڭىردەگى وداقتاستارىنا اسكەري جاتتىعۋلار ارقىلى جاۋاپ بەرىپ وتىرعانىن بايقايمىز.

“The Qazaq Times”