فوتو: insider.pro

iPhone 8 بەن iPhone X تانىستىرىلىمى وتكەلى بەرى ونى ساتىپ الۋعا قىزىعۋشىلىق تانىتقانداردىڭ سانى ەكى ەسە ارتقان بولار. كوپشىلىگى اسىرەسە iPhone X-ءتى العىلارى كەلەدى. بىراق ونىڭ ءبىر كەمشىلىگى باعاسى 1000 دوللار شاماسىندا جانە ول Apple كومپانياسى جاساپ شىعارعان ەڭ ۇزدىك جانە ەڭ قىمبات تەلەفون. بۇل گادجەت قازاقستانعا ءالى كەلە قويعان جوق. دەگەنمەن وقىرماندارىمىزعا مۇنداي تەلەفوندى ساتىپ الىپ، قىمباتقا ۇرىنۋدىڭ دا قاجەتى جوق ەكەنىن ايتقىمىز كەلەدى. جاي عانا iPhone 8 نە 8 Plus-ءتى ساتىپ الۋ كەرەك. ال ونى ساتىپ الۋدىڭ ارتىقشىلىقتارى قانداي؟ Insider.pro اگەنتتىگى وسى سۇراقتارعا جاۋاپ بەرگەن. 

قاراجات ۇنەمدەۋ

فوتو: insider.pro

قاراجات ۇنەمدەۋ - ەڭ ورىندى شەشىم. مىسالى جادى 64 گب بولاتىن iPhone 8 $699, 256 گب — $849. iPhone 8 Plus-ءتىڭ باعاسى $799 جانە $949. ال iPhone X-ءتى ساتىپ الۋعا كەمىندە $999 بەن $1149 اراسىندا قاراجات جۇمساۋعا تۋرا كەلەدى. ال 8-ءدى ساتىپ الساق $300, 8 Plus-ءتى الساق $200 ۇنەمدەيمىز. ارينە، "وسى اقشانى ۇنەمدەمەي-اق، iPhone X-دى ساتىپ الا سالۋعا بولادى عوي" دەگەن وي تۋىنداۋى مۇمكىن. الايدا بۇل اسا دۇرىس ەمەس. سەبەبى 10-دى ساتىپ العان سوڭ وعان قوسىمشا AppleCare+, قاپ، سىمسىز قۋاتتاعىش (تەلەفون جيىنتىعىندا قۋاتتاعىش قوسىلماعان), USB-C كابەلىن، AirPods... ساتىپ الۋعا تۋرا كەلەدى. ءتىزىمدى جالعاستىرا بەرسەك وتە كوپ. سوندا تاعى $100-150 شاماسىندا تاعى شىعىن بولادى.

«Home» باتىرماسىنىڭ بولعانىن قالاساڭىز

بولاشاقتا ايفونداردىڭ كەلەسى نۇسقالارىندا باتىرما مۇلدە بولمايدى. ولار دا قۇلاققاپ ۇياشىعى سياقتى الىنىپ تاستالدادى. سوندىقتان ەگەر ادەتتەگى «Home» باتىرماسىنىڭ بولعانىن قالاساڭىز iPhone 8 بەن iPhone 8 Plus ساتىپ العان ءجون.

ەگەر ساۋساق ءىزىن تانيتىن سەنسوردىڭ بولۋىن قالاساڭىز

فوتو: insider.pro

IPhone 8 قۇرىلعىسىندا Home باتىرماسىندا ورناتىلعان ساۋساق ءىزىن تانيتىن سەنسور ءالى دە بار، ال iPhone X-دا ول جوق.

ەگەر "كۇرەكتەي" ۇلكەن تەلەفون العىڭىز كەلمەسە

فوتو: insider.pro

iPhone X كولەمى iPhone 8-گە قاراعاندا ءبىرشاما ۇلكەن. ەگەر ءسىزدىڭ ساۋساقاتىرىڭىز ۇزىن بولماسا ونىنشى ايفوندى ۇستاۋ ىڭعايسىزدىق تۋدىرادى. ال سەگىزدە ونداي پروبلەمالار بولمايدى. ونىڭ ۇستىنە قازىرگى كەزدە قولعا يكەمدى، شاعىن سماترتفوندار جىل وتكەن سايىن جوعالىپ بارادى. سوندىقتان ولار بار كەزدە ۇستاپ قالعان ءجون.

سىمسىز قۋاتتاعىشتى ارزان ساتىپ العىڭىز كەلسە

IPhone X-دە دە iPhone 8 جانە Plus 8-دە دە سىمسىز زاريادتاۋ فۋنكتسياسى بار. بىراق سەگىزدىكتىڭ دە 30 مينۋت ىشىندە 50% -عا دەيىن قۋاتتالاتىنىن ەسكەرسەك، وندىققا ارتىق اقشا جۇمساۋدىڭ قاجەتى جوق.

كامەرا ءۇشىن دە ارتىق تولەۋدىڭ قاجەتى جوق

فوتو: insider.pro

IPhone 8 بەن iPhone 8 Plus 12-مەگاپيكسەلدى كامەراعا يە. سونىمەن قاتار، iPhone 8 Plus-ءتىڭ iPhone X-دىكى سياقتى پورترەتتىك رەجيمى بار. سوندىقتان، سمارتفون كامەرالارىنىڭ ساپاسى بىردەي بولعاندىقتان ارتىق تولەۋدىڭ قاجەتى جوق (ونىڭ ۇستىنە جارنامالانعان انيماتسيالىق ەمودزيلار قاجەت ەتپەسەڭىز).

iPhone X-تە بار Aion Bionic سەگىزدە دە بار 

IPhone 8 Plus پەن iPhone 8-دە iPhone X-داعىداي Aion Bionic قولدانىلادى. سوندىقتان جۇمىس ىستەۋى جىلدام سمارتفوندى الۋ ءۇشىن جۇزدەگەن دوللاردى ارتىق تولەمەگەن ءجون.

“The Qazaq Times”