قازاقستاندا حالال ونىمدەردىڭ ونلاين-دۇكەنى اشىلادى

قازاقستاندا ورتالىق ازيا بويىنشا حالال ونىمدەر ساتىلاتىن Aladdin Street  اتتى ەلەكتروندى ساۋدا الاڭى ىسكە قوسىلادى. بۇل تۋرالى LS حابارلادى. 

Aladdin Street Central Asia كومپانياسىنىڭ باس ديرەكتورى الماز تۇبەكوۆتىڭ مالىمەتىنشە، ساۋدا الاڭى ارقىلى كەلەسى جىلدىڭ سوڭىنا دەيىن 4,2 ملن قازاقستاندىق، 2020 جىلعا قاراي ورتالىق ازيانىڭ 68 ملن حالقى ونىممەن قامتىلادى.

ء"بىزدىڭ ساۋدا الاڭىنا قىزىعۋشىلىق تانىتىپ وتىرعان قازاقستاندىق ءوندىرىس كومپانيالارى مەن قوعامدىق تاماقتاندىرۋ ورىندارى بار. قازاقستان مۇسىلمانداردىڭ قولداۋى بىزگە كومەكەسەدى. 2018 جىلعا قاراي بىزدە ناقتى ناتيجەلەر بولادى دەپ ويلايمىن", - دەدى تۇبەكوۆ.

بۇل كومپانيا - حالال ستاندارتىنا ساي كەلەتىن پرەميۋم كلاستاعى الەمدەگى ءبىرىنشى ونلاين دۇكەن بولماق. وندا ەت ونىمدەرى، كوسمەتيكا، ءدارى-دارمەكتەر ساتىلاتىن بولادى. ساۋدا الاڭى ارقىلى تاۋارلار الەمنىڭ 30 ەلىنە جەتكىزىلمەك.

كومپانيا باسشىلارىنىڭ سوزىنشە، 2016 جىلى حالىقارالىق حالال نارىعى 2,3 ترلن دوللارعا جەتكەن، 2019 جىلعا قاراي 3,7 ترلن دوللار بولادى دەپ بولجانىپ وتىر.

“The Qazaq Times”