فوتو: Reuters.

ۇلىبريتانيا استاناسى لوندون قالاسىندا جارىلىس بولدى –دەپ حابارلايدى ۆۆس اقپارات قىزمەتى.

اقپارات اگەنتتىگىنىڭ مالىمەتىنشە، لوندون مەتروسىنىڭ پارسونس-گرين ايالداماسى ماڭىنا جەتە بەرگەندە ۆاگونداردىڭ بىرىندە جارىلىس بولعان. وقيعا  ورىنىندا بولعان ايەل ادامنىڭ سوزىنشە، جارىلىس كەزىندە ۆاگون ىشىندەگى حالىقتىڭ سانى وتە كوپ بولعان جانە جارىلىستىڭ سالدارىنان بىرنەشە ادام دەنە جاراقاتىن العان. بىراق بۇل اقپاراتتى ۇلىبريتانيا رەسمي ورگاندارى ءالى راستاماعان. الايدا لوندون پوليتسياسى پارسونس-گرين ايالداماسىندا بولعان جاعدايدان حاباردار ەكەنىن ايتقان.

قازىرگى تاڭدا وقيعا ورىنىنا جەدەل جاردەم، قۇتقارۋ قىزمەتى كەلگەن جانە مەترو ماڭايىن جەرگىلىكتى پوليتسيا قىزمەتكەرلەرى قورشاۋعا العان. ايتا كەتەتىن ءبىر جايت، بۇعان دەيىن اقش مەملەكەتتىك دەپارتامەنتى الداعى ۋاقىتتا دۇنيەجۇزى بويىنشا تەررورلىق شابۋىلداردىڭ سانى ارتاتىنىن حابارلاعان بولاتىن.

“The Qazaq Times”