قىتايدىڭ پرەمەر ءمينيسترىنىڭ ورىنباسارى جانە اقش قارجى مينيسترلىگىنىڭ باسشىسى. فوتو: The Wall Street Journal.

ەگەر قىتاي ۇكىمەتى سولتۇستىك كورەياعا كومەك كورسەتكەن بانكتەردى جانە باسقا قىتايلىق كومپانيالاردى جابۋ جونىندە قوسىمشا شارالار قابىلداماسا، اقش قىتايعا قاراتا قوسىمشا سانكتسيالاردى ەنگىزەدى. بۇل تۋرالى ترامپ ۇكىمەتىنىڭ سەيسەنبى كۇنى تاراتقان حابارىندا ايتىلدى، دەپ حابارلايدى "The Wall Street Journal" باسىلىمى.

اقش قارجى ءمينيسترى ستيۆەن منۋچين سەيسەنبى كۇنى CNBC-گە بەرگەن سۇحباتى كەزىندە "ەگەر قىتاي بىرىككەن ۇلتتار ۇيىمىنىڭ بەكىتكەن سانكتسيالارىنا قولداۋ كورسەتپەسە، اقش قىتايدىڭ وزىنە باعىتتالعان قوسىمشا سانكتسيا سالاتىنىن" ايتتى. ايتالىق، اقش پەن حالىقارالىق دوللار جۇيەسىنە ەنۋىنە شەكتەۋ قويۋى مۇمكىن ەكەن.

اقش شەنەۋنىكتەرى مەن بىرىككەن ۇلتتار ۇيىمىنىڭ ساراپشىلارى "قىتاي سولتۇستىك كورەيا ليدەرى كيم جوڭ ۋننىڭ (Kim Jong Un) رەجيمى مەن ونىڭ قارۋ-جاراق باعدارلامالارىن قارجىلاندىرۋدى توقتاتۋ ءۇشىن جەتكىلىكتى كۇش جۇمسامادى" دەپ سانايدى. سونىمەن بىرگە بىرىككەن ۇلتتار ۇيىمىنىڭ سانكتسيالارىنا دا تولىقتاي قولداۋ تانىتپاي وتىر دەگەن پىكىردە.

كەشە تاڭەرتەڭ قىتاي سىرتقى ىستەر مينيسترلىگىنىڭ رەسمي وكىلى گىن شۋاڭ (Geng Shuang): "قىتاي ءاردايىم جان-جاقتى قاراۋدان جازبايدى. قاۋىپسىزدىك كەڭەستىڭ قارارى قاتاڭ ساقتالادى" دەپ مالىمدەگەن ەدى.

تەرروريزمدى قارجىلاندىرۋمەن كۇرەسۋگە جاۋاپتى اقش قارجى مينيسترلىگىنىڭ حاتشىسىنىڭ كومەكشىسى مارشالل بيللينگسەيلا سەيسەنبى كۇنى وكىلدەر پالاتاسىنىڭ سىرتقى ىستەر جونىندەگى كوميتەتىنىڭ وتىرىسى كەزىندە: «قۇراما شتات جاعى سولتۇستىك كورەيانىڭ بارلىق جولدارىن كەسىپ تاستاۋعا بەل بايلاپ وتىر، ءتىپتى بۇل قادامدار بارىسىندا قىتايلىق كومپانيالار زارداپ شەگۋى دە مۇمكىن» دەگەن بولاتىن. ول سونداي-اق، جاقىندا اقش قازىنا دەپارتامەنتى "قىتاي تاراپىنان قارجىلاندىرىلعان بانككە سالىنعان سانكتسيالار ارقىلى قىتايعا ەسكەرتۋ سيگنالىن جولداعانىن" دا ايتتى.

اقش جوسپارعا الىپ وتىرعان سولتۇستىك كورەيانىڭ بارلىق كىرىس كوزىن تەجەۋ شاراسى، كحدر ءوزىنىڭ يادرولىق قارۋىنان باس تارتقانعا دەيىن جالعاسقالى وتىر. ال، سولتۇستىك كورەيامەن ەڭ جاقىن بايلانىستاعى قىتايعا بۇل شارالاردىڭ ىقپالى تيمەي قالمايدى. اقش پەن قىتاي قارىم-قاتىناسى وسىعان دەيىن دە سان رەت بۇلىنە جازداپ كەلدى. بۇل قادامدار ەكى ەل اراسىندا جاڭا قايشىلىقتار مەن كىربەڭدىكتى قالىپتاستىرسا، بەيجىڭ تارابى بۇعان قانداي جاۋاپ بەرەتىنى بەيمالىم.

“The Qazaq Times”