گرۋزيانىڭ بۇرىنعى پرەزيدەنتى جانە ودەسسا وبلىسىنىڭ ەكس-گۋبەرناتورى ميحايل سااكاشۆيلي ۋكراينادا مەرزىمىنەن بۇرىن پرەزيدەنت سايلاۋىن وتكىزبەك. بۇل جايىندا ول News One تەلەارناسىنا بەرگەن سۇحباتىندا مالىمدەگەن.
ميحايل سااكاشۆيلي News One ارناسىنىڭ ەفيرىندە سويلەگەن سوزىندە: «ءبىز الداعى ەكى-ءۇش اپتادا ۋكراينانىڭ بارلىق وبلىستارى مەن اۋداندارىن ارالاپ، قالىڭ بۇقارانىڭ تالاپتارىن تىڭدايتىن بولامىز. سوسىن وسى تالاپتاردى جيناقتاپ كيەۆكە بارامىز. ءبىز بۇل قادامدارعا ەلدە تەز ارادا مەرزىمىنەن بۇرىن پرەزيدەنت سايلاۋىن وتكىزۋ ءۇشىن بارىپ وتىرمىز. مەن بۇل باستامالارىم ارقىلى پرەزيدەنت بولۋدى نەمەسە باسقا ءبىر جوعارى لاۋازىمدى قىزمەت الۋدى كوزدەپ جۇرگەن جوقپىن. مەنىڭ باستى ماقساتىم ءار ازاماتقا ارنالعان ۋكراينانى قالىپتاستىرۋ» - دەگەن.
ەستەرىڭىزگە سالايىق، قىركۇيەكتىڭ 10 كۇنى ميحايل سااكاشۆيلي جاقتاستارىمەن بىرگە ۋكراينا شەكاراسىنا باسىپ كىرگەن بولاتىن. ونىڭ ەلگە بۇلاي كىرۋىنىڭ باستى سەبەبى شىلدە ايىندا پەتر پوروشەنكونىڭ سااكاشۆيليدى اقش-تا جۇرگەن جەرىندە ۋكراينا ازاماتتىعىنان شىعارىپ تاستاعاندىعى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى