اقش وداقتاستارى وڭتۇستىك كورەيا مەن جاپونيا اسكەري قۋاتىن قارقىندى دامىتادى

اقش پرەزيدەنتى وسىدان بىرەر كۇن بۇرىن جاساعان مالىمدەمەسىندە، جاپونيا مەن وڭتۇستىك كورەياعا ساتىپ بەرەتىن ەڭ وزىق اسكەري تەحنيكالاردىڭ سانىن ارتتىراتىنىن مالىمدەگەن بولاتىن. اقش، جاپونيا جانە وڭتۇستىك كورەيا جوعارى لاۋازىمدىلارىنىڭ سوڭعى كەزدەگى كوزقاراسىندا، ءۇش ەلدىڭ اسكەري وداقتاستىعى الداعى ۋاقىتتا ءتىپتى دامي تۇسپەك. بۇل تۋرالى «شينحۋا» رەسمي سايتى حابارلادى.

ساراپشىلاردىڭ پىكىرىنە جۇگىنسەك، اقش جاپونيا مەن وڭتۇستىك كورەيا وزىق اسكەري قۇرال-جابدىقتاردى ساتۋ كولەمىن ۇلعايتىپ، سول ارقىلى سولتۇستىك شىعىس ازياداعى وداقتاستارىنىڭ اسكەري قۋاتىن ارتتىرا تۇسەدى. بۇل سولتۇستىك كورەيادان كەلەتىن قاۋىپ-قاتەرگە وداقتاستارىنىڭ قارسىلىق قۋاتىن ارتتىرۋ ءۇشىن جاسالعالى وتىر. الايدا، بۇل الداعى ۋاقىتتا كورەي تۇبەگى ماسەلەسىندە بەلگىسىزدىك پەن شيەلەنىستى جاعدايدى ورشىتە ءتۇسۋى مۇمكىن دەپ قارايدى.

كۇز ايىنىڭ العاشقى كۇنىندە اقش پرەزيدەنتى مەن وڭتۇستىك كورەيا پرەزيدەنتى تەلەفوندا سويلەسكەن كەزدە، امەريكالىق وزىق اسكەر جابدىقتاردان قۇنى نەشە ملرد تۇراتىن قارۋلاردى ساتىپ بەرۋ-ساتىپ الۋ كەلىسىمىنە كەلگەن. وڭتۇستىك كورەيا قورعانىس مينيسترلىگىنىڭ بەرگەن مالىمەتىندە، امەريكا قۇراما شتاتىنىڭ وڭتۇستىك كورەيا مەن جاپونياعا، سولتۇستىك كورەيادان كەلەتىن قاتەرلەرگە قارسى تۇرا الۋى ءۇشىن ءداستۇرلى جانە يادرولىق وزىق قارۋلاردى دا ساتىپ بەرۋگە كەلىسىم بەرگەنىن ايتتى. اقش پەن كورەيانىڭ قورعانىس مينيسترلەرى تەلەفون ارقىلى، امەريكانىڭ ستراتەگيالىق بومبالاۋشى ۇشاقتارى مەن اۆيوماتكالارىن (ۇشاق تاسىمالداۋشى كەمە) وڭتۇستىك كورەياعا جىبەرۋ تۋرالى كەڭەسكەن.

ازىرگە دەيىن ناقتى قانداي قارۋ-جاراقتاردىڭ ساتىلاتىنى تۋرالى تولىق مالىمەت جوق. تەك، جاپونيا ءوزىنىڭ  اۋە قورعانىس كۇشتەرىن  جەتىلدىرۋ ءۇشىن «پاتريوت-3» زىمىرانىنىڭ «PAC-3MSE» ءبولىمىن ساتىپ الاتىنى بەلگىلى. بۇل قارۋ-جاراق ساتۋ مەن ساتىپ الۋ سولتۇستىك كورەيامەن قاتار، رەسەي جانە قىتايدىڭ دا الاڭداۋىن تۋعىزىپ وتىر.

“The Qazaq Times”