روحيندجا مۇسىلماندارىنا كومەك بەرۋدە تۇركيا باسشىلارى بەلسەندى تۇر

تۇركيا ۆيتسە-پرەمەرى تۇركيا پرەزيدەنتىنىڭ حانىمى ەمينە ەردوعاننىڭ ميانمادا قۋعىنعا ۇشىراعان اراكاندىق مۇسىلماندارمەن كەزدەسۋ ءۇشىن بانگلادەشكە بارعانى تۋرالى مالىمەت تاراتتى. سونداي-اق، روحيندجا مۇسىلماندارىمەن كەزدەسۋگە تۇركيا سىرتقى ىستەر ءمينيسترى مەۆلۋت چاۆۋشوعلۋ دا بارعان. بۇل تۋرالى «تۇرىك تەلە-راديو» قىزمەتىنىڭ رەسمي سايتى حابارلاپ وتىر.

تۇركيا ۆيتسە-پرەمەرى حاكان چاۆۋشوعۋلۋ بانگلادەشكە پانالاعان اراكاندىق مۇسىلماندارعا بەرىلگەن كومەك تۋرالى ەگجەي-تەگجەيلى مالىمەت جاساعان. ءارى بۇل ماتەريالدىق كومەكتەردىڭ ايماقتىڭ قاۋىپسىزدىگىنە بايلانىستى اۋە جولى ارقىلى جەتكىزىلەتىنىن ايتتى. كيىم-كەشەك، ازىق-تۇلىك تاعى باسقا قاجەتتى زاتتاردى قامتىعان جاردەمگە بەرىلگەن ماتەريالداردىڭ جالپى كولەمى  1000 توننادان اسادى. ءارى بۇل جىبەرىلگەن كومەك 100 مىڭ وتباسىنىڭ قاجەتىن قامدايدى دەلىنگەن.

تۇركيا سىرتقى ىستەر ءمينيسترى مەۆلۋت چاۆۋشوعۋلۋ تۇركيادان جەتكىزىلەتىن كومەكتى الىپ، اراكاندىق مۇسىلماندارمەن كەزدەسۋ توبىن باستاپ باردى. سونداي-اق، ول داككادا بانگلادەش باسشىلارىمەن روحيندجا مۇسىلماندارىنىڭ ماسەلەسى تۋرالى كەڭەس وتكىزگەن.

“The Qazaq Times”