فوتو: AFP

باراك وباما اقش پرەزيدەنتى دونالد ترامپتىڭ باستاماسىمەن امەريكاداعى بوسقىن جاستاردىڭ DACA باعدارلاماسىن جابۋ تۋرالى شەشىمگە قارسىلىق ءبىلدىردى. بۇل تۋرالى BBC اقپاراتتىق اگەنتتىگى جازدى. 

باراك وبامانىڭ باستاماسىمەن 2012 جىلى 15 ماۋسىمدا قۇرىلعان باعدارلاما (Deferred Action for Childhood Arrivals نەمەسە DACA) امەريكاعا بالا كەزىندە كەلگەن زاڭسىز يمميگرانت جاستاردى 2 جىل بويى دەپورتاتسيالاۋدان قورعاپ، جۇمىس ىستەۋگە رۇقسات الۋعا كومەكتەسەدى. بۇل مەملەكەتتىك ەمەس ورگان قازىردىڭ وزىندە بەيرەسمي "ارمانشىلدار" (Dreamers) اتانعان 600 مىڭ يمميگرانت جاستى قامقورلىعىنا الىپ وتىر.

دونالد ترامپتىڭ ايتۋى بويىنشا، شەشىم قابىلدانعاننان كەيىن 6 ايدىڭ ىشىندە يمميگرانت جاستارعا ەشكىم تيىسپەيدى. ال باعدارلاماعا ءوتىنىم بەرگەندەردىڭ قۇجاتتارى وسى كەزدەن باستاپ مۇلدە قابىلدانبايدى.

كونگرەستتىڭ بىرلەسكەن وتىرىسىندا DACA باعدارلاماسىن زاڭداستىرۋ بويىنشا تالقىلاۋلار وتەدى. اقش پرەزيدەنتى امەريكادا جۇمىس ىستەپ جۇرگەن يمميگرانت جاستاردى قالدىرۋعا بار كۇشىن سالاتىنىن جەتكىزدى. ەگەر دەموكراتتار مەن رەسپۋبليكالىقتار ورتاق شەشىمگە كەلە الماسا، دونالد ترامپ ماسەلەنى قايتا قاراستىرماق.

باراك وباما اتالعان باعدارلامانى توقتاتۋ تۋرالى شەشىمنىڭ قاتە ەكەنىن ايتىپ، كەلىسپەۋشىلىگىن ءبىلدىردى.

“The Qazaq Times”