ۇندىستاندىق تاۋەلسىز جۋرناليست اتىپ ءولتىرىلدى

ۇندىستاندىق جۋرناليست گاۋري لانكەش ءوز ءۇيىنىڭ الدىندا اتىپ ءولتىرىلدى. تاۋەلسىز پىكىرى مەن وتكىر جۋرناليستىك زەرتتەۋلەرى ارقىلى تانىمال گاۋري ءۇندىس ۇلتشىلدار توبىن اياۋسىز اشكەرەلەپ، باتىل پىكىرلەر ايتقان. ءجۋرناليستىڭ ولىمىنە ءدى سول توپ كىنالى بولۋى مۇمكىن. بۇل تۋرالى BBC اقپاراتتىق اگەنتتىگى جازدى.

سوڭعى كەزدەرى ءۇندىس ۇلتشىلدار توبى جۋرناليستەرگە ءجيى قاۋىپ ءتوندىرىپ، ولاردى قورقىتۋ ارەكەتتەرىن جاساعان. ءۇندىستاننىڭ بيلەۋشى "بحاراتيا جاناتا" پارتياسى دا ءتورتىنشى بيلىك وكىلدەرىن اشىق تۇردە ءجيى شابۋىلداپ جۇرگەنى بايقالادى.

گاۋري لانكەش بيلەۋشى پارتيا وكىلدەرى مەن ءۇندىس ۇلتشىلدارىنا قارسى ماقالالار دايىنداپ، حالىققا اقيقاتتى جەتكىزۋ جولىندا قىزمەت ەتكەن. ول Lankesh Patrikeدەگەن جەكە تاۋەلسىز گازەت شىعارعان. كوپ جىلدار بويى The Times of India باسىلىمىندا قىزمەت اتقارعان. ونىڭ ءولىمىن ءۇندى حالقى وتە اۋىر قابىلدادى. گاۋريدىڭ قازاسى ورىن العان بانگالور قالاسى مەن ەل استاناسى دەلي  جانە مۋمبايدا جەرگىلىكتى حالىق بەيبىت شەرۋگە شىعۋعا بەل بايلاعان.

“The Qazaq Times”