ميانما بۇۇ-نىڭ روكحيندجا مۇسىلماندارىنا جىبەرگەن كومەگىنە شەكتەۋ قويدى

ميانما ەلدىڭ راكحاين شاتاتىنداعى روكحيندجا مۇسىلماندارىنا بىرىككەن ۇلتتار ۇيىمى جىبەرگەن گۋمانيتارلىق كومەكتى قابىلداماي، شەكتەۋ قويدى. بۇۇ حالىققا ءدارى-دارمەك، سۋ، ازىق-تۇلىك جىبەرگەن. بۇل تۋرالى Guardian گازەتىنە سىلتەمە جاساپ ريا نوۆوستي حابارلادى.  

ميانماداعى بۇۇ رەزيدەنتى وكىلدەرىنىڭ حابارلاۋىنشا، قاۋىپسىزدىك شارالارى مەن ۇكىمەت تاراپىنان بولعان شەكتەۋلەرگە بايلانىستى جانە شتاتقا باراتىن جولداردا تىيىم سالىنعاندىقتان كومەك كورسەتۋگە مۇمكىندىك بولماي وتىر.

دەگەنمەن بۇۇ تەز ارادا گۋمانيتارلىق كومەكتى قايتا جىبەرۋ ءۇشىن جەرگىلىكتى بيلىكپەن تىعىز قارىم-قاتىناس جاساپ وتىرعانىن مالىمدەدى.

ايتا كەتەيىك، بۇۇ ەلدىڭ سولتۇستىك بولىگىندە ءبىر اپتادان استام ۋاقىت بويى ەشقانداي جۇمىس جۇرگىزبەگەن. ميانما بيلىگى ءتىپتى حالىقارالىق قىزمەتكەرلەرگە رۇقسات بەرۋدەن باس تارتىپ، ۆيزا بەرۋدى كەشىكتىرگەن.

ميانماداعى مۇسىلماندارعا باعىتتالعان قىرعىنشىلىق 25 تامىزدان باستالعان.  ميانما ۇكىمەتىنىڭ مالىمدەمەسىنە سىلتەمە جاساعان باسىلىمدارىنىڭ اقپاراتىنا سۇيەنسەك، ەلدەگى كەيبىر شاعىن يسلامدىق توپتار قاۋىپسىزدىك كۇشتەرىنە شابۋىل جاساعان. الايدا مۇنى ميانما ۇلكەن قىرعىنعا ۇلساتىرىپ جىبەردى.

حالىقارالىق كوشى-قون ۇيىمىنىڭ مالىمەتىنشە، وتكەن اپتانىڭ وزىندە 18 مىڭ روحيندجا مۇسىلمانى ميانماداعى زورلىق-زومبىلىقتان قاشىپ، بانگلادەشكە وتكەن جانە قازىرگى كەزدىڭ وزىندە ونداعى بوسقىندار لاگەرىنە پانالاعان روحيندجا  مۇسىلماندارىنىڭ سانى 76 مىڭنان اسىپ كەتكەن.

“The Qazaq Times”