استانا ءسۇريا بەيبىتشىلىك كەلىسسوزىن تاعى وتكىزەتىن بولدى

وسىعان دەيىن استانادا بولعان ءسۇريا بەيبىتشىلىك كەلىسسوزىنىڭ التىنشى كەزەڭى قىركۇيەكتىڭ 14-15-ءى كۇندەرى قايتا وتەدى. بۇل تۋرالى قازاقستان رەسپۋبليكاسى سىرتقى ىستەر مينيسترلىگىنىڭ رەسمي سايتى حابارلادى.

بۇدان بۇرىن ءسۇريا بەيبىتشىلىك كەلىسسوزىنىڭ ءتورتىنشى، بەسىنشى كەزەڭدەرى دە استانادا وتكەن بولاتىن. كەزدەسۋدە قازاقستان ءسۇريا ماسەلەسىنىڭ اسكەري جولمەن شەشىلمەيتىنىن، بۇنى تەك كەلىسىمگە كەلۋ ارقىلى شەشۋگە بولاتىنىن جاريا ەتىپ، الەمدى بىرلىككە شاقىرعان ەدى.

مينيسترلىكتىڭ حابارلاۋىنشا، بۇل جولى ءسۇريانىڭ بەيبىتشىلىگىنە بايلانىستى استانا كەلىسسوزىندە ءسۇريانىڭ يدليب، حومس وبلىستارى مەن ريف داماسك وبلىسىنىڭ شىعىس عۋتە ايماقتارىن شيەلەنىس ازايعان ايماق ەتىپ بەكىتۋ تۋرالى سۇحبات بولادى دەپ بەلگىلەنگەن.

وسىلايشا استانا كەلىسسوزگە قاتىسۋشى ەلدەرمەن ۇرىس ءىس-قيمىلدارىن توقتاتۋ رەجيمىن بىرلەسە كۇشەيتىپ، ءسۇريا ماسەلەسىندەگى تاراپتار اراسىندا ءوزارا سەنىم ورناتۋعا، جانجالدى بەيبىت جولمەن شەشۋگە بەل بايلاپ وتىر.

“The Qazaq Times”