فوتو: UTMagazine.ru

Zara كومپانياسىنىڭ نەگىزىن قالاۋشى امانسيو ورتەگا Forbes ميللياردەرلەرىنىڭ الەمدىك رەيتينگىندە ءبىرىنشى ورىنعا شىقتى. ونىڭ قارجىسى 85 ملرد دوللاردى قۇرايدى.

ال بۇعان دەيىن الەمدىك ميللياردەرلەردىڭ كوشىن باستاعان Microsoft كومپانياسىنىڭ نەگىزىن قالاۋشى بيلل گەيتس ەكىنشى ورىنعا جايعاستى. ونىڭ قارجىسى 81 جاستاعى ورتەگانىكىنەن 200 ملن دوللارعا كەم بولعان.

وتكەن شىلدە ايىندا ورتەگانىڭ قاراجاتى 1,2 ملرد دوللارعا كوبەيگەن. ال بيلل گەيتس پەن ءۇشىنشى ورىنداعى دجەفف بەزوستىڭ قاراجاتى كەرىسىنشە ازايعان.

بيلل گەيتس Forbes تىزىمىندە بۇعان دەيىن دە ءبىرىنشى ورىندى ساقتاپ قالا الماعان. شىلدە ايىنىڭ سوڭىندا ءبىرىنشى ورىنعا Amazon كومپانياسىنىڭ اتقارۋشى ديرەكتورى دجەفف بەزوس شىققان. الايدا ول ءبىرىنشى ورىندا تەك ءبىر تاۋلىككە جەتەر جەتپەس ۋاقىت تۇردى.

قازىرگى كەزدە الەمەگى ەڭ باي ادامداردىڭ العاشقى بەستىگىنە ورتەگا، گەيتس جانە بەزوستان بولەك ينۆەستور ۋوررەن باففەتت پەن Facebook-تىڭ نەگىزىن قالاۋشى مارك تسۋكەربەرگ كىرەدى.

“The Qazaq Times”