اقش پرەزيدەنتى دونالد ترامپ وزبەكستان باسشىسى شاۆكات ميرزيەەۆتى تاۋەلسىزدىك مەرەكەسىمەن قۇتتىقتادى، دەپ حابارلايدى وزبەكستان پرەزيدەنتىنىڭ ءباسپاسوز قىزمەتى.

1-ءشى قىركۇيەك وزبەكستان رەسپۋبليكاسىنىڭ تاۋەلسىزدىك كۇنىنە وراي اقش پرەزيدەنتى دونالد ترامپ شاۆكات ميرزيەەۆقا رەسمي حات جولداعان. ول حاتتا: «امەريكا حالقىنىڭ اتىنان ءسىزدى جانە وزبەكستان حالقىن تاۋەلسىزدىكتىڭ 26 جىلدىعىمەن قۇتتىقتايمىن. ۇلتتىق مەرەكەلەرىڭىزبەن قۇتتىقتاي وتىرىپ، مەن ءسىزدىڭ پرەزيدەنت بولعانىڭىزعا ءبىر جىل تولۋىنا وراي الداعى ۋاقىتتا ەكى ەل اراسىنداعى قارىم-قاتىناستى دامىتۋعا، بىرلەسىپ جۇمىس ىستەۋگە ءازىر ەكەنىمدى ايتقىم كەلەدى. ءبىز وزبەكستاننىڭ ايماقتىق قاۋىپسىزدىگىنە جانە ەلدى دەموكراتيالاندىرۋعا بايلانىستى باستامالارىن قاشاندا قولدايمىز. سىزگە جانە وزبەك حالقىنا ەل تاۋەلسىزدىگىنىڭ 26 جىلدىعىن ءوز دارەجەسىندە اتاپ وتۋگە تىلەكتەسپىن» - دەگەن.

ايتا كەتەتىن ءبىر جايت، شاۆكات ميرزيەەۆ بيلىك باسىنا كەلگەلى بەرى رەسەي مەن اقش اراسىنداعى وزبەكستان ءۇشىن تالاس ودان ءارى ءورشي تۇسكەن. بىراق ميرزيەەۆ بيلىك باسىنا كەلگەن ءبىر جىل ىشىندە ەكى ەلدىڭ دە ىرقىنا جىعىلماي بەيتاراپ ساياسات ۇستانىپ كەلەدى. وسىعان قاراعاندا بولاشاقتا وزبەكستاننىڭ سىرتقى ساياساتتاعى ۇستانىمى قازاقستان سىندى كوپ ۆەكتورلى قارىم-قاتىناسقا قۇرىلاتىن ءتارىزدى.

“The Qazaq Times”