فوتو عالامتور بەتتەرىنەن الىندى.

قىتاي ۇكىمەتى ءوز كومپانيالارىنىڭ شەت مەملەكەتتەرگە ينۆەستيتسيا ەسەبىندە قۇياتىن قارجىسىنا شەكتەۋ قويۋدى قولعا الىپ وتىر. بۇل سوڭعى جىلدارى قىتايدان سىرتقا كەتەتىن قارجى كولەمىنىڭ كۇرت ارتۋىنا بايلانىستى. پەكيندە قابىلدانعان جاڭا شەشىم تۋرالى CNN اقپاراتتىق اگەنتتىگى جازدى. 

قىتايلىق كاسىپكەرلەر  ۇشىن تارتىمدى سانالاتىن سالالاردىڭ قاتارىنا جىلجىمايتىن مۇلىك، قوناي ءۇي بيزنەسى، سپورتتىق كلۋبتار مەن ويىن-ساۋىق كەشەندەرىن قارجىلاندىرۋ جاتادى.

وتكەن جىلى شەتەلگە ينۆەستيتسيا ەسەبىندە باعىتتالعان قارجى رەكوردتىق كورسەتكىشكە جەتكەننەن سوڭ، بيىلعى جىلدىڭ العاشقى جارتىسىندا-اق قىتايلىق كاسىپكەرلەردىڭ  وزگە مەملەكەتتەردەگى جوبالاردى قارجىلاندىرۋى 46 پايىزعا قىسقاردى.

جوعارىدا اتالعان ينۆەستيتسيالىق تارتىمدىلىعى جوعارى  سالالارعا سالىنعان ينۆەستيتسيا 80 پايىزعا تومەندەدى. بۇل قىتايدىڭ ينۆەستيتسياسىنا ارقا سۇيەپ وتىرعان دامۋشى مەملەكەتتەردىڭ ەكونوميكاسىنا ەرەكشە سوققى بولىپ تيەرى انىق.

“The Qazaq Times”