اقش يادرولىق قارۋى. فوتو: The Center for Arms Control and Non-Proliferation.

ترامپ ۇكىمەتى 2,5 ملرد اقش دوللارىن ءبولىپ، اقش يادرولىق ارسەنالىن دامىتۋ جوسپارىنا رەفورمالار جاساۋدا، سول ارقىلى «يادرولىق قارۋ باسەكەسىنە» قاتىستى الاڭداۋشىلىقتى قايتا جانداندىردى دەپ حابارلادى «The New York Times» باسىلىمىنىڭ تاڭعى جاڭالىقتار توپتاماسى.

دەگەنمەن ونىڭ مەملەكەتتىك حاتشىسى رەكس تيللەرسون سوزىندە بۇل تەبىندى تۇردە يادرولىق قۋاتتى ارتتىرۋ رەفورماسى، سولتۇستىك كورەيانىڭ يادرولىق قارسىلاسۋىنا قارسى جاسالىپ وتىرعان ارەكەت ەكەنىن ايتىپ ءوتتى. ءارى ول قۇراما شتاتتار بەيبىت شەشىم قاراستىرۋدى جالعاستىرۋعا تاباندى تۇرادى دەپ كەپىلدىك بەردى.

اقش ۇكىمەتىنىڭ الداعى قادامدارى سولتۇستىك كورەيانىڭ ءۇش بىردەي زىمىران سىناعىن قاتار جاساعانىنا جاۋاپ دەپ تابىلاتىنى انىق. ترامپ پرەزيدەنت بيلىگىنە وتىرعان العاشقى كۇنى-اق يادرولىق قۋاتتى دامىتۋ جوسپارىنا قول قويىپ بەكىتكەن. قازىرگى كەزدە اقش قورعانىس تاراۋلارى يادرولىق وق تۇمسىقتارىڭ قۋاتى، ولاردى تاسىمالداۋشى زىمىراندار دالدىگى مەن قۋاتتىلىعى، سونداي-اق كۇتۋ، ساقتاۋ سىندى كوپتەگەن باعىتتاردا جاڭارتۋ جۇمىستارىن باستاپ كەتكەن.

“The Qazaq Times”