پاكىستانداعى تەررور ۇيىمدارى. فوتو: Readoo.in.

اقش پرەزيدەنتىنىڭ اۋعانستانداعى امەريكا اسكەرىنىڭ سانىن كوبەيتۋ شەشىمى جاريالانعان كەزدە، پرەزيدەنت ترامپ اۋعانستانداعى تاليبانداردى پاكىستاننىڭ قولداپ كەلگەنىن ايتقان بولاتىن. الايدا، پاكىستان ۇكىمەت باسشىلارى اراسىندا 5 ساعاتقا سوزىلعان جينالىستان كەيىن مالىمدەمە جاساپ،  اقش پرەزيدەنتىنىڭ پاكىستاندى قارالاۋىنا قارسىلىق ءبىلدىردى. بۇل تۋرالى «تۇرىك تەلە-راديو» قىزمەتىنىڭ رەسمي سايتى حابارلادى.

پاكىستان ۇلتتىق قاۋىپسىزدىك كەڭەسى پرەمەر-مينيستر شاحيد حاكان ابباسي باسشىلىعىندا جينالىس وتكىزدى. ولار اقش-تىڭ بۇل قارالاۋى اۋعانستان تۇراقتىلىعى ءۇشىن ەش كومەكتەسە المايدى دەگەن پىكىردە. كەرىسىنشە، اۋعانستانداعى تەررور ۇيىمداردىڭ بەكىنىستەرىن جويۋ مىندەتى بار ەكەنىن ەسكەرتتى.

مالىمدەمەلەرىندە اۋعانستان سوعىسى ەشۋاقىتتا پاكىستاندا جۇرگىزىلمەيتىنى ايتىلدى. پاكىستان ۇلتتىق قاۋىپسىزدىك كەڭەسىنىڭ كوزقاراسىندا، پاكىستانداعى تەررورلىق شابۋىلداردىڭ ارتىپ كەتۋىندە اقش-تىڭ جاۋاپكەرشىلىگى بار دەپ قارايدى. سەبەبى ولار: "اقش اۋعانستانداعى جانە وڭىردەگى تەررورلىق ۇيىمداردىڭ بەكىنىستەرىن تازارتا الماي وتىر" دەيدى.

“The Qazaq Times”