دەپرەسسيا دەرتى . فوتو: star.gr.

Google كومپانياسى «دەپرەسسيا» ءسوزىن كوبىرەك تەرگەن پايدالانۋشىلارىنا، ارنايى «دەپرەسسيادان قۇتىلۋ» تەستتەرىن دايىنداپ جاتىر، دەپ حابارلايدى BBC-ءدىڭ ونلاين قىزمەتى.

بۇل جوسپاردى Google كومپانياسى مەن اقش-تىڭ پسيحيكالىق اۋرۋلارعا قارسى ۇلتتىق اليانسى بىرلەسىپ جۇزەگە اسىرماق. جوبانىڭ ماقساتى پايدالانۋشىلاردىڭ تۇڭىلۋشىلدىككە شالدىققان، شالدىقپاعانىن بىلۋىنە جانە ۋاقىتىندا ەمدەلۋىنە كومەكتەسۋگە باعىتتالماق. الايدا مۇنداي جاردەم قازىرشە اقش-تاعى پايدالانۋشىلارعا عانا قولجەتىمدى.

جوبا بويىنشا، Google-دان «دەپرەسسيا» ءسوزىن ىزدەۋشىلەرگە Google تارابىنان ونىڭ جاعدايىن انىقتاۋ ءۇشىن بىرنەشە سۇراۋلار قويىلادى. الايدا، اقش-تىڭ پسيحيكالىق اۋىرۋلار جونىندەگى ۇلتتىق اليانسىنىڭ ماماندارى بۇل ساۋالنامالار دارىگەرلەردىڭ دياگنوز قويۋىنا كومەكتەسە الماۋى مۇمكىن دەپ ەسكەرتتى. ال «دەپرەسسيا تەست» جاۋاپتارى ماماندار بەلگىلەگەن جاۋاپتارعا سايكەس كەلەر بولسا، بىردەن پايدالانۋشىعا دارىگەرگە قارالۋىنا كەڭەس بەرىلەتىن بولادى.

كەز-كەلگەن پايدالانۋشى اتالعان تەستكە كىرىپ ءوزىن تەكسەرىستەن وتكىزە الادى. ودان كەيىن ارناۋلى دارىگەرلەردىڭ كومەگى كەرەك پە، جوق پا – ونى تەست جاۋابى كورسەتىپ بەرەدى.

بريتاندىق پسيحوتەراپەۆت ارون باليكتننىڭ (Aaron Baliktin) پىكىرىنشە، مۇنداي ونلاين-تەست كلينيكالىق دەپرەسسياعا شالدىققان ادامدارعا كومەك بەرە المايدى. ول تۇڭىلۋشىلدىككە شالدىعۋشىلارعا كومەكتەسۋ ءۇشىن تىكەلەي بايلانىس ورناتۋ ەڭ تيىمدىرەك دەپ قارايدى.

“The Qazaq Times”