اقش وڭتۇستىك كورەيا بىرلەسكەن اسكەري وقۋ جاتتىعۋىنان ءبىر كورىنىس. فوتو: The New York Times.

جاپونيانىڭ سولتۇستىك سۋ الاپتارىندا جاپونيا-اقش، اقش-وڭتۇستىك كورەيا ەلدەرىنىڭ بىرلەسكەن اسكەري وقۋ جاتتىعۋى ءوتىپ جاتقان تۇستا، رەسەيدىڭ بۇۇ-داعى وكىلى بۇل اسكەري شاراعا قارسىلىعىن ءبىلدىردى. ول كورەي تۇبەگى ماسەلەسى شيەلەنىستە تۇرعان بۇگىنگى جاعدايدا اقش باستاماشى بولعان اسكەري قادامدار ءىستى ءتىپتى دە ۋشىقتىرىپ جىبەرەدى دەپ قارايدى. بۇل تۋرالى «شينلاڭ» رەسمي سايتى حابارلايدى.

وڭتۇستىك كورەيا جاساقتارىن قوسپاعان كۇننىڭ وزىندە جاپونيا مەن اقش-تىڭ وقۋ-جاتتىعۋعا قاتىسقان اسكەريلەر سانى 3500 ادامنان كوپ. بۇل سولتۇستىك كورەيانىڭ اشۋ-ىزاسىن تۋدىرسا كورەي تۇبەگى ماسەلەسىن شەشۋ ءتىپتى دە قيىنداي تۇسپەك. سوندىقتان رەسەي وكىلى "وڭتۇستىك كورەيا مەن اقش وقۋ-جاتتىعۋ قيمىلىن تەز ارادا توقتاتۋى كەرەك" دەپ سانايدى.

رەسەيدىڭ بۇۇ-داعى تۇراقتى وكىلى ۆاسيلي نەبەنزيا كورەي تۇبەگى ماسەلەسىن شەشۋدە رەسەي مەن قىتاي تارابىنىڭ ۇسىنىپ وتىرعان جوباسى بىردەن ءبىر شەشىم دەگەندى العا تارتتى. ول: «بۇگىنگىدەي شيەلەنىستى جاعدايدا ءار تاراپ رەسەي مەن قىتاي ۇسىنىپ وتىرعان ورتاق قادامعا كەلۋى ءتيىس. ياعني، ماسەلەنى شەشۋگە بارلىق تاراپ ورتاق جۇمىلۋى كەرەك. يادرولىق قارۋسىزدانۋ ماسەلەسىن ورتاق جۇزەگە اسىرۋعا ءتيىس»، – دەدى.

“The Qazaq Times”