جاپون تەڭىزىنە زىمىران اتتى. فوتو: Yonhap".

سولتۇستىك كورەيا جاپون تەڭىزىنە زىمىران اتتى، بۇل تۋرالى وڭتۇستىك كورەيانىڭ اقپارات قۇرالدارى حابارلاردى.

«يونحاپ» اگەنتتىگى تاراتقان مالىمەتكە قاراعاندا، سەيسەنبىنىڭ تاڭىندا سولتۇستىك كورەيا اتقان زىمىران جاپون تەڭىزىنە بارىپ قۇلاعان. قىركۇيەكتىڭ باس شەنىندە عانا پيوڭياڭ جاپون تەڭىزىندە قاناتتى زىمىراندارى مەن بالليستيكالىق زىمىراندارىن سىناقتان وتكىزگەن بولاتىن.

وتكەن اپتادا عانا سولتۇستىك كورەيانى بيلەۋشى اۋلەتتىڭ ىقپالدى مۇشەسى كي يو جوڭ (كيم جوڭ ۋننىڭ قارىنداسى) وڭتۇستىك كورەيانىڭ بەيبىتشىلىك ءبىتىمىن تالقىلاۋ تۋرالى ۇسىنىسىنا جاۋاپ بەرگەن ەدى.

جاپون قورعانىس مينيسترلىگى ەلدەگى اقپارات قۇرالدارىنا بەرگەن مالىمەتىندە كەزەكتى ۇشىرىلعان زىمىران بۇۇ تاراپىنان سانكتسيالانعان بالليستيكالىق زىمىران بولۋى مۇمكىن دەلىنگەن.

وڭتۇستىك كورەيا قورعانىس مينيسترلىگى بولسا امەريكالىق ارىپتەستەرىمەن بىرگە كەزەكتى زىمىران سىناعى تۋرالى تالقىلاپ جاتقانىن ايتقان.

The Qazaq Times