يران «يادرولىق قارۋ تۋرالى» كەلىسىمنەن شىعاتىنىن مالىمدەدى

يراننىڭ پرەزيدەنتى حاسان رۋحاني اقش جاڭا سانكتسيالار ەنگىزەتىن بولسا، يادرولىق كەلىسىمنەن شىعاتىنىن مالىمدەدى. بۇل تۋرالى APF اقپاراتتىق اگەنتتىگى جازدى. 

يادرولىق كەلىسىم 2015 جىلدىڭ 14 شىلدەسىندە يران مەن الەمنىڭ التى دەرجاۆاسى (رەسەي، ۇلىبريتانيا، قىتاي، اقش، فرانتسيا جانە گەرمانيا) اراسىندا جاسالعان شارت. وعان سايكەس، اتالعان ەلدەر يرانعا قارسى سالعان بارلىق سانتسيالارىنىڭ كۇشىن جويدى، ال تەھران ءوز كەزەگىندە يادرولىق قارۋ قۋاتىن دامىتۋدى توقتاتۋعا مىندەتتەلدى.

اقش پەن يران اراسىنداعى كەلىسپەۋشىلىك بۇرىننان جالعاسىپ كەلەدى. قوس مەملەكەت وسىعان دەيىن ءبىرىن-ءبىرى يادرولىق قارۋ تۋرالى كەلىسىمدى بۇزدى دەپ ايىپتاپ كەلە جاتىر. ەستەرىڭىزدە بولسا، اقش كونگرەسى قابىلداعان سانكتسيالار تۋرالى قۇجاتتا رەسەي، يران مەن سولتۇستىك كورەياعا قارسى ەكونوميكالىق شەكتەۋلەر جۇيەسى قاراستىرىلعان بولاتىن.

حاسان رۋحاني ءوز سوزىندە: "اقش پرەزيدەنتى دونالد ترامپ جاڭا سانكتسيالار شەرۋىن جاريالاۋ ارقىلى ءوزىنىڭ قانشالىقتى سەنىمسىز سەرىكتەس ەكەنىن دالەلدەدى", - دەدى.

يراننىڭ پارلامەنتى وتكەن جەكسەنبىدە اقش-تىڭ جاريالاعان سانكتسيالارىنا جاۋاپ رەتىندە زىمىران باعدارلاماسىنا جارتى ميللياردقا جۋىق قارجى ءبولۋ تۋرالى شەشىم قابىلدادى.

“The Qazaq Times”