فوتو: National Review

اقش-تىڭ ۆيتسە-پرەزيدەنتى مايك پەنس ۆەنەسۋەلاداعى بولعان داعدارىستى بەيبىت جولمەن شەشۋ مۇمكىندىگى بار ەكەنىن مالىمدەدى. بۇل تۋرالى ول لاتىن امەريكا ەلدەرىنە ارنالعان رەسمي ساپارى بارىسىندا كولۋمبيا پرەزيدەنتىمەن بولعان كەزدەسۋ بارىسىندا جەتكىزدى. 

وتكەن اپتادا اقش پرەزيدەنتى دونالد ترامپ ۆەنەسۋەلاعا قارسى ەنگىزگەن بىرقاتار سانكتسيالاردان كەيىن جانە امەريكا اسكەري ينتەرۆەنتسيا جاساۋى مۇمكىن دەگەن حابارلاما تاراتقان سوڭ، وسىعان دەيىن نيكولاس مادۋرو ۇكىمەتىن قاتاڭ سىناپ كەلگەن كولۋمبيا، مەكسيكا، پەرۋ مەملەكەتتەرىنىڭ بيلىگى بۇل ويعا تۇبەگەيلى قارسىلىق ءبىلدىردى. كەزدەسۋ كەزىندە دە كولۋمبيا پرەزيدەنتى حۋان مانۋەل سانتوس مايك پەنسكە اسكەري ينتەرۆەنتسيا ماسەلەسىن ءتىپتى تالقىلاۋدان باس تارتاتىنىن كەسىپ ايتتى.

ءوز كەزەگىندە مايك پەنس اقش-تىڭ ۆەنەسۋەلاداعى جاعدايدى تۇراقتاندىرۋ ماقساتىندا جوسپارلاعان شارالارى كوپ ەكەنىن، ولاردى جۇزەگە اسىرۋ ءۇشىن لاتىن امەريكالىق ارىپتەس مەملەكەتتەردەن قولداۋ كۇتەتىنىن جىلى جەتكىزدى. ء"بىزدىڭ جارتىشارداعى حالىقتاردىڭ بوستاندىعى شەكتەلمەۋى ءۇشىن، ءبىز ۆەنەسۋەلاعا قارسى ەكونوميكالىق قىسىم شارالارىن كۇشەيتۋدى ەلدەگى دەموكراتيالىق قاعيداتتار قايتا قالپىنا كەلتىرىلمەيىنشە، جالعاستىرا بەرەمىز", - دەدى پەنس.

“The Qazaq Times”