تالل-افار قالاسى. فوتو: تەلەگراف.

يراك ۇكىمەت ارمياسى اقش باسقارۋىنداعى دايش-كە قارسى كۇرەس كواليتسياسى بىرلەسە وتىرىپ، يراكتاعى دايش تەررورلىق كۇشتەرىن الاستاۋ وپەراتسياسىنىڭ سوڭعى باعالاۋى ءبىر كۇن بۇرىن بولىپ ءوتتى. وتكەن جىلدىڭ قازان ايىندا باستالعان موسۋل قالاسىن ازات ەتۋ شايقاسى ماۋسىم ايىنا دەيىن سۇراپىل سوعىس ۇستىندە جالعاستى. قازىرگى كەزدە موسۋل قالاسى يراك ۇكىمەتىنىڭ باقىلاۋىنا تولىقتاي ءوتىپ بولدى دەۋگە بولادى. ەندىگى ماقساتتارى سولتۇستىك شىعىستاعى تالل-افاردى لاڭكەستەردەن تازارتۋ بولىپ وتىر.

اقش-تىڭ CNN ارناسى، يراكتىڭ اقپاراتتىق ارنالارى سونداي-اق، «تۇرىك تەلە-راديو» قىزمەتىنىڭ رەسمي سايتتارىندا بەرىلگەن اقپاراتتارعا قاراعاندا، پەنتاگوندا وسىعان دەيىنگى جانە الداعى دايش ۇيىمىنا قارسى كۇرەس وپەراتسيالارىنا باعالاۋ وتىرىسى بولىپ وتكەن. دايش-كە قارسى كۇرەس كواليتسياسىنىڭ مالىمدەمەشىسى راين ديللوننىڭ ايتۋىنشا تالل-افاردى لاڭكەستەردەن تازارتۋ اسا قيىندىق تۋعىزادى ەكەن.

ارناۋلى كواليتسيانىڭ مالىمەتىنە قاراعاندا تالل-افار ماڭىندا دايش سودىرلارىنان 2 مىڭ ادام بار بولىپ، شاشىراڭقى بەكىنىس قۇرعان. بۇل دايش ۇيىمىنىڭ يراكتاعى سوڭعى بەكىنىسى سانالاتىندىقتان، ەلدەگى بارلىق دايش كۇشتەرى تالل-افاردى ساقتاپ قالۋعا نە ءبىر قانقۇيلى ارەكەتتەرگە بارۋدا. ۇكىمەت اسكەريلەرىنە جارىلعىش تيەلگەن كولىكتەرمەن شابۋىلداۋ ءار اپتانىڭ وزىندە بىرنەشە رەت تۋىلۋدا.

ال، تەررورلىق ۇيىمنان تازارتىلعان موسۋلداعى جاعداي ءبىرشاما دۇرىستالىپ كەلەدى. قازىر دايش-تىڭ راككاداعى كۇشتەرى دە السىرەگەن، سونىمەن بىرگە تابىس كوزدەرى كەسىلىپ، بايلانىس-تاسىمال جولدارى جابىلعان. وسىدان بۇرىن يراك قورعانىس وكىلى «دايش-تىڭ يراكتاعى كۇنى ساناۋلى عانا قالدى» دەپ مالىمدەمە تاراتقان بولاتىن.

“The Qazaq Times”