فوتو: گەوپوليتيكا

اقش پرەزيدەنتى دونالد ترامپ رەسەي باسشىسى ۆلاديمير پۋتينگە راحمەت ايتتى - دەپ حابارلايدى ۆۆس اقپارات قىزمەتى.

دونالد ترامپ ءپۋتيننىڭ رەسەي اۋماعىنان اقش ديپلوماتتارىن شىعارۋعا بايلانىستى شەشىمىنە: «مەن وعان راحمەت ايتقىم كەلەدى. قازىر ءبىز مەملەكەتتىك قىزمەتكەرلەرگە بولىنەتىن قارجى كولەمىن قىسقارتۋدى جوسپارلاپ وتىرمىز. ول وتە كوپ ادامدى ەل اۋماعىنان شىعاردى. ءبىز وسى ارقىلى كوپ قارجى ۇنەمدەدىك. جەكە ءوزىمنىڭ وعان دەگەن العىسىم شەكسىز» - دەدى نيۋ – دجەرسي گولف كلۋبىندا سويلەگەن سوزىندە.

ەستەرىڭىزگە سالايىق، شىلدە ايىندا رەسەي پرەزيدەنتى ۆلاديمير پۋتين رف اۋماعىنداعى اقش ديپلوماتتارىنىڭ سانىن قىسقارتۋ كەرەكتىگىن ايتىپ، 755 اقش ازاماتىن ەلدەن شىعاراتىنىن مالىمدەگەن بولاتىن.

ال رەسەيدە 1980-1990 جىلدارى ارالىعىندا جۇمىس ىستەگەن اقش ديپلوماتى دونالد يەنسوننىڭ ايتۋىنشا، رەسەيدەگى اقش ديپلوماتتارىنىڭ سانىن قىسقارتۋ اقش ەلشىلىكتەرىنىڭ جۇمىسىنا كوپ كەدەرگى جاسامايدى. كەرسىنشە رەسەيلىكتەردىڭ وزىنە كەدەرگى كەلتىرەدى. ويتكەنى ەلشىلىك شتاتىنىڭ قىسقارتىلۋى ۆيزا الۋ پروتسەسسىن باياۋلاتادى.

“The Qazaq Times”