دەنساۋلىق سالاسىندا جۇمىس ىستەپ جاتقان جەكە ۇيىمداردىڭ تابىسى مەن شىعىنى مەملەكەتتىك مەديتسينالىق مەكەمەلەردىكىنە قاراعاندا الدەقايدا تيىمدىرەك. 2016 جىلى جەكە دەنساۋلىق ساقتاۋ ۇيىمدارىنىڭ تابىسى سالىق تولەنگەننەن كەيىن 9,4 ملرد تەڭگەنى قۇراعان. ال مەملەكەتتىك مەكەمەلەردىڭ شىعىنى 1,8 ملرد تەڭگە بولدى.
Finprom.kz اگەنتتىگىنىڭ مالىمەتىنشە، مەديتسيناداعى جەكە سەكتورلاردىڭ تابىسى بىردەن جوعارىلاعان. 2015 جىلعى دەڭگەيمەن سالىستىرعاندا جەكە مەنشىك كلينيكالاردىڭ تابىسى 2,5 ەسەگە وسكەن.
ال مەملەكەتتىك كلينيكالار بولسا سوڭعى ءتورت جىلدا، ياعني 2013 جىلدان بەرى شىعىنعا ۇشىراپ كەلەدى. مەملەكەتتىك سەكتورداعى ەڭ قيىن جاعداي 2015 جىلى تەڭگە ەركىن اينالىمعا جىبەرىلگەن كەزەڭدە قالىپتاسقان. سەبەبى تەڭگەنىڭ السىرەۋى سەبەبىنەن يمپورتتىق مەدينتسينالىق قۇرالداردىڭ باعاسى ءوسىپ كەتكەن. وسى ۋاقىتتا مەملەكەتتىك مەديتسينالىق مەكەمەلەر 5,1 ملرد تەڭگە كولەمىندە شىعىنعا ۇشىراعان.
سونداي-اق، ايتا كەتەتىن جايت 2016 جىلى مەملەكەتتىك مەديتسينالىق مەكەمەلەردەگى كىرىس 20,9%-عا كوبەيگەن. ال 2015 جىلى كىرىس سوماسى 7,4%-عا قىسقارىپ كەتكەن. الايدا مەملەكەتتىك سەكتورداعى شىعىن دا تابىسپەن تەپە-تەڭ بولىپ وتىر. 2016 جىلعى شىعىن 20,1%-عا ءوسىپ وتىر.
ايتا كەتەيىك، وسى جىلدىڭ شىلدە ايىنان باستاپ مىندەتتى الەۋمەتتىك مەديتسينالىق ساقتاندىرۋ جۇيەسى ەنگىزىلدى. دەنساۋلىق ساقتاۋ مينيسترلىگىنىڭ مالىمەتىنشە، بۇل مەملەكەتتىڭ، ازاماتتاردىڭ، جۇمىس بەرۋشىلەردىڭ جاۋاپكەرشىلىگىن ارتتىرىپ، مەديتسينا سالاسىندا باسەكەلەستىك ورنايدى.
دەگەنمەن ەندى وسى جۇيە ارقىلى جينالعان قارجى مەملەكەتتىك مەكەمەلەردىڭ شىعىنىن جابۋعا كەتپەسە بولعانى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى