قارجى مينيسترلىگى قانشا جالعان اقشا جاسالعانىن مالىمدەدى

2017 جىلدىڭ ءبىرىنشى جارتى جىلدىعىندا قازاقستاندا جالپى نومينالى ميلليون تەڭگەنى قۇرايتىن جالعان اقشا جاسالعان. ودان كەيىن دوللار جانە ەۋرونىڭ جالعان كۋپيۋرالارى جاسالعان.

قر قارجى مينيسترلىگى پروفيلاكتيكالىق جۇمىس جانە باقىلاۋ كوميتەتىنىڭ جەتەكشىسى ارمان ەسەمباەۆتىڭ سوزىنشە، وسى جىلدىڭ التى ايىندا ەكونوميكالىق تەرگەۋ قىزمەتىمەن بىرگە جالعان اقشا جاساۋ فاكتىسى بويىنشا 191 قىلمىس تىركەلگەن.

"ەسەپتىك كەزەڭدە اينالىمنان جالپى سوماسى 986 600 ملن تەڭگەنى قۇرايتىن 571 جالعان كۋپيۋرا (تەڭگە) شىعارىلدى. سونداي-اق، جالپى سوماسى 1700 دوللار بولاتىن 37 جالعان دوللار كۋپيۋراسى، 1200 ەۋرو بولاتىن 3 ەۋرو كۋپيۋراسى جانە 12 000 رۋبل بولاتىن 9 جالعان رەسەيلىك رۋبل كۋپيۋراسى انىقتالعان", - دەدى قارجى مينيسترلىگىنىڭ وكىلى.

سونداي-اق، اقتوبە وبلىسىندا جالعان بانكنوتتاردى جاساۋشىلار جانە ساۋداگەرلەر توبى انىقتالعان. بۇدان بۇرىن دا سوتتالعان ازامات پرينتەردە نومينالى 5 مىڭ تەڭگەلىك ءتۇرلى سەرياداعى بانكنوتتاردى جاساپ شىعارعان. جاساندى اقشالار ورال جانە اقتوبەگە تاراعان.

"ساۋدالاۋمەن اينالىسقان توپ 5 جىلعا سوتتالدى، سونداي-اق تەرگەۋ ءىس-شارالارى جالعاسىپ جاتىر", - ارمان ەسەمباەۆ.

“The Qazaq Times”