رەسپۋبليكاشىلدار وكىلى: پۋتين اقش-تا ەشكىم ىستەي الماعان ءىستى ىستەي الدى

اقش پرەزيدەنتى ترامپ ءۇش ەلگە قاراتقان جاڭا سانكتسياسى شەشىمىنە قول قويدى. الايدا، جوبانىڭ قاتەلىكتەرى كوپ دەگەن پىكىرىن ايتتى. ترامپتىڭ جوباعا قارسىلىعى بۇل شەشىمدى كۇشىندە قالدىرا المايتىنىن بىلەمىز. سەبەبى، كونگرەسس جاڭا زاڭدا رەسەيگە باعىتتالعان سانكتسيا جوباسىن، پرەزيدەنت توقتاتا المايدى دەپ  بەلگىلەنگەن. ساراپشىلاردىڭ ايتۋىنشا، بۇل رەتكى سانكتسيا اقش پەن رەسەي قارىم-قاتىناسىنا سالقىندىق تيگىزۋمەن بىرگە، ترامپتىڭ قولىنا كوزىر سالدى دەپ قارايدى.

ترامپ ءوزى وزگەرتە المايتىن زاڭ جوباسىنان «ماڭىزدى كەمشىلىكتەر» تاپقانىن ايتىپ، پرەزيدەنت وكىلەتتىلىگىن شەكتەگەنىنە نارازى ەكەنىن ءبىلدىردى. ترامپ ۋكراينا داعدارىسىنىڭ شەشىلمەۋىنىڭ ءبىر سەبەبى، رەسەيگە باعىتتالعان كەمشىلىككە تولى سانكتسيا ەرەجەلەرى دەپ سانايدى.

رەسپۋبليكاشىلدار پارتياسىنىڭ وكىلدەرىنىڭ باسىم كوبى زاڭ جوباسىنىڭ پرەزيدەنت قۇقىعىن شەكتەگەنىن جاقتاپ شىقتى. ولاردىڭ ايتۋىنشا، ترامپتىڭ رەسەيمەن قارىم-قاتىناسى تۋرالى داۋدىڭ ءوزى دە جەتكىلىكتى ەكەن. ولار پۋتين مەن ترامپتى سالىستىرا بىلاي دەيدى: «پۋتين امەريكادا ەشكىم ىستەمەگەن ءىستى ىستەي الدى. سەبەبى، پرەزيدەنت مەملەكەتتىك دۋمامەن ىنتىماقتاسا الدى»، – دەدى.

“The Qazaq Times”