سكارامۋكسي ءوزىنىڭ جۇمىستان قۋىلعانىنا شاراسىز كۇيدە. فوتو: The Wall Street Journal.

قازىرگى كەزدە قۇراما شتاتتىڭ اقۇيىندە كادرلار الماسۋى ءجيى بولىپ جاتىر. مىسالى اقش كوممۋنيكاتسيا كەڭسەسىنىڭ ديرەكتورى ەنتوني سكارامۋكسي تاعايىندالعان قىزمەتىندە 10 كۇن عانا بولىپ، كەيىن جۇمىستان قۋىلدى. سكارامۋكسي بۇرىنعى تەڭىز ارميا ادميرالى جون كەلليدىڭ تالابى بويىنشا قىزمەتتەن بوساتىلدى. اقۇي شەنەۋنىكتەرىنىڭ ايتۋىنشا، كەللي كادرلار قوسىنىندا ءتارتىپتى نىعايتۋ ءۇشىن وسى قادامعا بارعان. بۇل تۋرالى «The Wall Street Journal» باسىلىمى حابارلاپ وتىر.

اقۇي شەنەۋنىكتەرىنىڭ بۇل ءىستىڭ جايىن بىلاي دەپ بايان ەتتى: كەلليدىڭ قىزمەتكە تاعايىندالۋى، انت بەرۋى راسىمىنە  ەنتوني سكارامۋكسي دە قاتىسقان. راسىمنەن كەيىن ەكەۋى كەلليدىڭ جۇمىس كەڭسەسىنە دەيىن الدەنەنى اڭگىمە ەتىپ بىرگە كەلگەن. سول جەردە كەللي ونى جۇمىستان بوساتىلاتىنىن مالىمدەگەن.

پرەزيدەنت ترامپ كەلليگە اقۇي كادرلارىن باسقارۋ ءىسىن مىندەتتەگەن. ونىڭ قىزمەتكە تاعايىندالىپ العاشقى شىعارعان شەشىمى سكارامۋكسيدى جۇمىستان بوساتۋ بولدى. ۋاشينگتون بيلىك باسىنداعىلارى اقۇيدە بولىپ جاتقان كادرلار الماسۋىنىڭ جيىلەپ كەتۋى قاتتى الاڭداتىپ وتىر.

“The Qazaq Times”