فوتو: fishki.net

سولتۇستىك كورەيا ۇكىمەتى  اقش-تىڭ بۇل ەلگە قارسى جۇرگىزىپ وتىرعان قاتاڭ ساياساتى وڭ باعىتقا وزگەرگەنگە دەيىن زىمىران سىناقتارىن جالعاستىرا بەرەدى. ءدال وسىنداي مالىمدەمە پحەنياننىڭ "نودون سينمۋن" باسىلىمىندا جاريالاندى.

سولتۇستىك كورەيانىڭ سوڭعى قارۋ سىناعىنا قاتىستى جاريالانعان ماقالادا: "قۇرلىقارالىق بالليستيكالىق "حۆاسون -14" زىمىرانىنىڭ ءساتتى ۇشىرىلۋى ءبىزدىڭ حالىقتىڭ جانە پارتيانىڭ ۇلكەن كۇشى مەن رەۆوليۋتسيالىق سەنىمىن كورسەتتى. ءبىز مۇنداي سىناقتاردى اقش-تىڭ ءوز ساياساتىن تولىقتاي وزگەرتىپ، ءبىزدىڭ حالقىمىعا جاساعان تاريحي وزبىرلىقتارى ءۇشىن تىزەرلەپ تۇرىپ، كەشىرىم سۇراعانىنا دەيىن جالعاستىرا بەرەمىز", -دەلىنگەن.

سولتۇستىك كورەيانىڭ اقش-تىڭ سالقىن قاباقتى ساياساتىنىڭ وزگەرىسىن قالايتىندىعىن وڭتۇستىك كورەيالىق رەنحاپ اقپاراتتىق اگەنتتىگى دە جازدى.

“The Qazaq Times”