اقش پەن يران اسكەري كەمەلەرى ءبىر اپتا ىشىندە ەكى رەت كەزدەستى

اقش پەن يراننىڭ اسكەري كەمەلەرى پارسى شىعاناعىندا تاعى كەزدەسىپ قالدى. يران اسكەري كۇشتەرى بەرگەن مالىمەتىندە اقش كەمەلەرىنىڭ ارەكەتى ارانداتۋشىلىق دەپ باعالاعان. بۇل تۋرالى سول ەلدىڭ «پارس.اقپارات» اگەنتتىگى ءوز سايتىندا جازدى.

ەستەرىڭىزدە بولسا، وتكەن اپتادا يران پاترۋلدىك قايىقتارى مەن اقش اسكەري كەمەسى كەزدەسىپ, اقش كەمەسىنەن ەسكەرتۋ وعى اتىلعان بولاتىن. اپتا سوڭىنا جەتپەي، ەكى ەلدىڭ كەمەلەرى تاعى كەزدەسىپ قالدى. بۇل جولى ەسكەرتۋ وعى اتىلماعانىمەن، اقش كەمەسى يران اسكەري قايىقتارىنا ەسكەرتۋ رەتىندە كۇشتى جارىق ءتۇسىردى.

يران رەۆوليۋتسياسىنىڭ ساقشىلار كورپۋسى تەڭىز كۇشتەرىنە قاراستى «زۋلفاحار» فلوتى بەرگەن مالىمەتتە اقش كەمەلەرى ەسكەرتۋىنە قاراماستان يران شارلاۋشى قايىقتارى وزىنە تيەسىلى سۋ ۇستىندە شارلاۋ قىزمەتىن سوڭىنا دەيىن جالعاستىردى. سوڭىندا، اقش-تىڭ اۋىر سۋ ءۇستى سوعىس كەمەلەرى پارسى شىعاناعىنىڭ سولتۇستىگىنەن كەتىپ قالدى دەلىنگەن.

“The Qazaq Times”