فوتو: Etoday.kz

ۇلتتىق بانك كارتامەن تولەم جاساعاندا الاياقتارعا الدانىپ قالماۋدىڭ جولىن ءتۇسىندىردى. بۇل تۋرالى بانك فەيسبۋك پاراقشاسىندا جازدى.

باس بانكتىڭ مالىمەتىنشە، VISA جانە MasterCard ەڭ كوپ تاراعان تولەم كارتوچكالارى بولىپ تابىلادى. كەيدە American Express, UnionPay كارتوچكالارى جانە جەرگىلىكتى جۇيەلەر پايدالانىلادى. قازاقستان رەسپۋبليكاسىندا كارتوچكالاردى 25 بانك جانە «قازپوچتا» اق شىعارادى.

كارتوچكانىڭ نەگىزگى ەكى ءتۇرى بار: دەبەتتىك جانە كرەديتتىك.
دەبەتتىك تولەم كارتوچكالارى بويىنشا وپەراتسيالار بانك شوتىنداعى اقشا قالدىعى شەگىندە جۇرگىزىلەدى. ادەتتە مۇنداي كارتوچكالار جالاقى، زەينەتاقى، جاردەماقى جانە ت.ب. اۋدارۋ ءۇشىن پايدالانىلادى.

كرەديتتىك كارتوچكالاردى پايدالانۋ كەزىندە ەسەپ ايىرىسۋ بانك بەرەتىن بانكتىك كرەديت ەسەبىنەن جانە سونىڭ مولشەرىندە جۇرگىزىلەدى.

سونىمەن ۇلتتىق بانك تاراتقان حابارلامادا الاياقتارعا الدانىپ قالماس ءۇشىن مىنا نارسەلەردى ەستە ساقتاۋ ماڭىزدى ەكەنى ايتىلعان:
• تولەم كارتوچكالارىنان وپەراتسيالاردى ءسىزدىڭ كوزىڭىزشە جۇرگىزۋدى تالاپ ەتىڭىز;
• تولەم كارتوچكاڭىز جوعالسا نەمەسە ءسىزدىڭ كەلىسىمىڭىزسىز اقشا ەسەپتەن شىعارىلسا، تەز ارادا ەميتەنت بانككە حابارلاڭىز;
• بانكتىڭ SMS-پەن حابارلاۋ قىزمەتىنە قوسىلىڭىز;
• قانداي جاعداي بولماسىن تولەم كارتوچكاڭىزدى جانە PIN-كودىڭىزدى باسقا ادامدارعا، ونىڭ ىشىندە تۋىستارىڭىزعا بەرمەڭىز;
• ينتەرنەت-دۇكەندەردەن ساتىپ الۋدى بولەك تولەم كارتوچكاسىن پايدالانا وتىرىپ تەكسەرىلگەن سايتتاردان عانا جۇرگىزىڭىز.

“The Qazaq Times”