ساۋد ارابياسى اسكەريلەرى مەككە قالاسىنا باعىتتالعان بالليستيكالىق زىمىراندى اتىپ ءتۇسىردى دەپ حابارلايدى فرانس پرەسس اقپارات اگەنتتىگى.

يەمەن اۋماعىنان ۇشىرىلعان بالليستيكالىق زىمىراندى اراب اسكەريلەرى مەككە قالاسىنىڭ وڭتۇستىگىنە قاراي 69 شاقىرىم جەردە اتىپ تۇسىرگەن. ساۋد ارابياسى اسكەري كواليتسياسى يەمەن اۋماعىنان اتىلعان بۇل بالليستيكالىق زىمىراندى شيتت بۇلىكشىلەرىنىڭ ءىسى دەپ مالىمدەگەن.

فوتو: ۆەستي.رۋ

ەستەرىڭىزگە سالايىق، يەمەندە 2014 جىلدان بەرى ەكس-پرەزيدەنت ءالي ابدەلل سالەحۋ جاقتاستارى «انسار اللا» قوزعالىسى مەن ەلدىڭ قازىرگى باسشىسى ابد راببۋ مانسۋرۋ حادي جاقتاستارى اراسىندا ازاماتتىق سوعىس بولىپ جاتىر. وسى ۋاقىت ارالىعىندا يەمەن بيلىگىن ساۋد ارابياسى باستاعان اراب اسكەري كواليتسياسى قولداپ كەلەدى.

“The Qazaq Times”