Moody's قازاقستاننىڭ تاۋەلسىز رەيتينگىن كوتەردى

Moody's حالىقارالىق رەيتينگ اگەنتتىگى قازاقستاننىڭ تاۋەلسىز رەيتينگىن "Baa3" دەڭگەيىندە راستادى جانە جاعىمسىزدىق بولجامىنان تۇراقتىلىق بولجامىنا دەيىن كوتەردى. بۇل تۋرالى ۇلتتىق ەكونوميكا مينيسترلىگىنىڭ ءباسپاسوز قىزمەتى حابارلادى. 

ۆەدومستۆونىڭ مالىمەتىنشە، اگەنتىك تاراتقان مالىمدەمەدە "بولجامنىڭ وزگەرىسى جانە رەيتينگتەردى راستاۋ قازاقستاننىڭ ەكونوميكاسىنىڭ، بيۋدجەتىنىڭ جانە بانكتىك جۇيەسىنىڭ مۇناي باعاسىنىڭ قۇرىلىمدىق تومەندەۋىنە بىرتىندەپ بەيىمدەلۋى تۋرالى Moody's-ءدىڭ پىكىرىمەن بەكىتىلگەن" دەلىنگەن.

"Moody's ەلدە باستالعان بانكتىك جۇيەنى قايتا كاپيتالداندىرۋعا وڭ باعا بەردى، ونىڭ اياسىندا بيلىك بانكتەردى 500 ميلليارد تەڭگەگە (1,5$ ميلليارد) قولداۋعا دايىن. قازاقستاننىڭ ەكونوميكاسى 2008-2009 جىلدارداعى جاھاندىق قارجىلىق داعدارىس كەزىندە قاتتى زارداپ شەكتى، بۇل كەزدە بىرنەشە قازاقستاندىق بانكتەر دەفولتقا جول بەرگەن جانە ۇلتتاندىرىلعان. 2016 جىلى مۇناي باعاسىنىڭ كۇرت تومەندەۋى جاعدايىندا ەلدەگى ءىجو سوڭعى 10 جىلداعى ناشار ديناميكانى – 1 پايىزدىق ءوسىمدى كورسەتتى", - دەپ جازىلعان مينيسترلىك حابارلاماسىندا.

Moody's-ءدىڭ پىكىرىنشە، ەلدىڭ تومەن قارىزدىق جۇكتەمەسى جانە قورلاردىڭ جيناعى ۇكىمەتكە ىنتالاندىرۋدىڭ فيسكالدىق شارالارىن قولدانۋ ءۇشىن جەتكىلىكتى قارجىلىق كەڭىستىكتى قامتاماسىز ەتتى، بۇل رەتسەسسيانى بولدىرماۋعا مۇمكىندىك بەردى. اگەنتتىكتىڭ تالداۋشىلارى جاقىن جىلداردا ەگەر مۇناي باعاسى باررەلى ءۇشىن 40-60$ دالىزدە تۇراقتاعان بولسا، باعا 60$ ميلليارد دەڭگەيىندە تومەندەگەن جاعدايدا ەكونوميكانى قۇتقارۋ ءۇشىن دانەكەر بولاتىن قازاقستاننىڭ ۇلتتىق قوردىڭ اكتيۆتەرىن تۇراقتاندىرا الادى دەپ ەسەپتەيدى. ماۋسىمنىڭ اياعىنداعى جاعداي بويىنشا، قازاقستاننىڭ التىن ۆاليۋتا قورى 29,8$ ميللياردتى، ۇلتتىق قوردىڭ اكتيۆتەرى 62,1$ ميللياردتى قۇرادى.

“The Qazaq Times”