دونالد ترامپ اقش مۇسىلماندارىن الاڭداتىپ وتىر

اقش-تاعى The Pew Research Center زەرتتەۋ ورتالىعى امەريكا مۇسىلماندارى اراسىندا ساۋالناما جۇرگىزدى. ولارعا دەگەن قوعامنىڭ كوزقاراسى مەن دونالد ترامپ بيلىگىنىڭ مۇسىلمانداردىڭ ومىرىنە قالاي اسەر ەتكەنىن انىقتاۋ ماقساتىندا "دونالد ترامپ ءسىزدى ۋايىمعا سالىپ، الاڭداتۋشىلىق تۋدىرادى ما؟" دەگەن ساۋالعا رەسپوندەنتتەردىڭ 68 پايىزى "يا" دەپ جاۋاپ بەرگەن. 

زەرتتەۋ ورتالىعىنىڭ ەسەبى بويىنشا، قازىر اقش-تا 3,35 ملن مۇسىلمان تۇرادى. مىڭعا جۋىق ساۋالناما قاتىسۋشىلارىنىڭ 48 پايىزى وتكەن جىلى ءوزىنىڭ ءدىني سەنىمىنە بايلانىستى ديسكريميناتسياعا ۇشىراپ، كەمسىتۋشىلىك كورگەنىن ايتقان.

اقش-تىڭ باسشىلىققا الىپ وتىرعان ساياساتىنا كوڭىلى تولمايتىنىن جەتكىزگەن مۇسىلمانداردىڭ 74 پايىزى دونالد ترامپ امەريكاندىقتارعا دوس كوڭىلمەن قارامايدى دەپ ەسەپتەيدى.

ءاربىر 5 رەسپوندەنتتىڭ ءبىرى ءۇيىنىڭ اۋلاسىنداعى قابىرعالاردان يسلامعا قارسى مازمۇنداعى جازبالار مەن سۋرەتتەر تاپقان. ال ءبىر ايەل قوعامدىق كولىكتە ءۇستىن تولىق بۇركەمەلەيتىن حيدجاب كيگەنى ءۇشىن "تەرروريست" اتالىپ، سول وقيعادان كەيىن جابىق كيىمدەردەن باس تارتقانىن ايتادى.

اقش مۇسىلماندارى جۇرگىزىلگەن زەرتتەۋ ارقىلى قوعامعا تەرروريزم ماسەلەسى يسلامعا سەنەتىن ولاردى، بۇل دىننەن تىس ءومىر سۇرەتىن قاراپايىم امەريكالىقتاردان ارتىق قورقىتاتىن قۇبىلىس ەكەنىن جەتكىزگىسى كەلەدى.

“The Qazaq Times”