امەريكالىق ەۆرەيلەر يزرايل ەۆرەيلەرىنە قارسى شىقتى

يزرايل-پالەستينا قاقتىعىسى قايتا ورشىگەلى تۇرعان تۇستا، امەريكا قۇراما شتاتىنداعى پراۆوسلاۆ ەۆرەيلەرى بىرىككەن ۇلتتار ۇيىمى عيماراتىنىڭ الدىندا ءيزرايلدىڭ جولسىزدىعىنا قارسى نارازىلىق اكتسياسىن وتكىزدى. بۇل تۋرالى «تۇرىك تەلە-راديو» قىزمەتىنىڭ رەسمي سايتى جازدى.

نيۋ-يورك قالاسىنداعى بۇۇ عيماراتى الدىندا جينالعان نارازى توپ قولدارىنا پالەستينا تۋىن كوتەرىپ، «پالەستينا پالەستينالىقتارعا قايتارىلسىن!» دەپ ۇراندادى. ولار يزرايل ۇكىمەتىنىڭ ءال-اقسا مەشىتىندە جاساعان شابۋىلىن ايىپتاپ، بىتپەس قاقتىعىسقا نارازى ەكەندىكتەرىن ءبىلدىردى.

يزرايل ۇكىمەتى وسىدان بۇرىن ءال-اقسا مەشىتىنە مۇسىلمانداردىڭ كىرىپ، قۇلشىلىق ەتۋىنە شەكتەۋ قويعان بولاتىن. بۇل بىرنەشە جىلدان بەرى تىنىشتالىپ قالعان يزرايل-پالەستينا اراسىنداعى قاقتىعىستى قايتا ءورشىتتى.

“The Qazaq Times”