فوتو: CNN

ءۇندىستان، بانگلادەش، قىتايداعى 137 ملن-عا جۋىق ادام سۋ باسۋ قاۋپى بار ايماقتاردا قالىپ وتىر. بۇل تۋرالى عىلىمي بولجامدار مەن وڭىردەگى سوڭعى وقيعالاردىڭ ەسەبىن جيناقتاپ CNN اقپاراتتىق اگەنتتىگى جازدى.

وڭتۇستىك ازيا الەمدەگى ەڭ ىلعالدى ايماقتاردىڭ ءبىرى. مۇنداعى جىلدىق جاۋىن-شاشىن مولشەرى 1 مىڭ مم شاماسىندا. اۆسترالياداعى عىلىمي-زەرتتەۋ ورتالىعىنىڭ كليماتولوگى دەۆي كيرونو الداعى 30 جىلدا بۇكىلالەمدەگى جاۋىن شاشىن مولشەرى ءبىرشاما ارتادى، ال ازيادا بۇل كورسەتكىش 20 پايىزدى قۇرايدى دەگەن بولجام جاسادى.

جۋىردا وڭتۇستىك قىتايدا سۋ دەڭگەيىنىڭ كوتەرىلۋى ەسەبىنەن 12 ملن جەرگىلىكتى تۇرعىن باسپاناسىز قالعان بولاتىن. تسزيانسي پروۆينتسياسىنداعى تابيعات قۇبىلىسىنىڭ كەلتىرگەن شىعىنى  430 ملن دوللاردى قۇراسا، كورشىلەس حۋنان ايماعىندا 53 مىڭ ءۇي قۇلاعان.

اتالعان وڭىرلەرگە نەگىزىنەن قاۋىپ ءتوندىرىپ وتىرعان ءۇش وزەن يانتسزى، براحماپۋترا مەن گانگانىڭ ارناسىنان تاسۋى قانشاما ادامنىڭ ءومىرىن قيىپ، جەرگىلىكتى حالىقتى، ازىق-تۇلىك پەن العاشقى كومەككە قول جەتكىزە الماۋ قالۋعا ءماجبۇر ەتىپ وتىر.

“The Qazaq Times”