فوتو: حابار

2017 جىلدىڭ جەلتوقسان ايىنان باستاپ قازاقستانداعى ءۇش اۆتوجولعا اقىلى جۇيە ەنگىزىلەدى. بۇل تۋرالى قر ينۆەستيتسيالار جانە دامۋ ءمينيسترى جەڭىس قاسىمبەك ۇكىمەت وتىرىسىندا مالىمدەدى، دەپ حابارلايدى مينيسترلىكتىڭ ءباسپاسوز قىزمەتى. 

ونىڭ ايتۋىنشا، «نۇرلى جول» مەملەكەتتىك باعدارلاماسىنىڭ نەگىزگى باسىم مىندەتتەرىنىڭ ءبىرى - رەسپۋبليكالىق ماڭىزداعى اۆتوجولدارعا اقىلى جۇيە ەنگىزۋ. وسىعان بايلانىستى بارلىعى 6,5 مىڭ شاقىرىم اۆتوجولدى اقىلى ەتۋ جوسپارلانۋدا.

«بيىل ءبىز استانا-تەمىرتاۋ (132 كم) جانە الماتى-قاپشاعاي (42 كم) اۆتوجولدارىندا اقى الۋ جۇيەسىن مونتاجداۋ جۇمىستارىنا كىرىستىك. ال، ەكىنشى جارتىجىلدىقتا الماتى-قورعاس (295 كم) اۆتوجولىنداعى اقىلى جۇيەنى مونتاجداۋ جۇمىسى باستالادى. جىل سوڭىنا قاراي اتالمىش ۋچاسكەلەردە اقىلى جۇيە تولىق ەنگىزىلىەتىن بولادى»، - دەدى مينيستر جەڭىس قاسىمبەك.

قر يدم باسشىسىنىڭ مالىمەتى بويىنشا جىل سوڭىنا دەيىن 5,5 مىڭ شاقىرىم جولعا اقىلى جۇيە ەنگىزۋ جوبالارىن ازىرلەۋدى اياقتاۋ جوسپارلانىپ وتىر.

اقىلى جۇيەنى ەنگىزۋ مەن جۇيەنى پايدالانۋ ءۇشىن وسى سالاداعى الەمگە تانىمال كومپانيالاردى (Kapch, FETC, رت-ينۆەست) جۇمىلدىرۋ ماقساتىندا ەقدب-نىڭ قوسىمشا قارجىلاندىرۋىمەن ينۆەستورلار تارتۋ جوسپارلانۋدا ال مۇنى ىسكە اسىرۋ كەزەڭى 2018-2019 جىلدار ارالىعىن قامتيدى.

مينيسترلىكتىڭ مالىمەتىنشە، قازىرگى ۋاقىتتا «قازاۆتوجول» ۇك» اق ەقدب-دان 150 ملن اقش دوللارى سوماسىندا زايم تارتۋ بويىنشا جۇمىستار جۇرگىزۋدە.

ايتا كەتەيىك، شىن مانىندە اقىلى جولداردان جينالعان قاراجات سول جولدىڭ ساپاسىن جاقسارتۋ ماقساتىندا جۇمسالۋ كەرەك. الايدا قازىرگى كەزدە قازاقستاننىڭ ماڭىزى بار جول توراپتارىنىڭ جاعدايى جاقسى بولعانمەن، باسقا وڭىرلەردەگى جولداردىڭ ساپاسى سىن كوتەرمەيدى.

“The Qazaq Times”