كابۋلدا جارىلىس بولدى

اۋعانىستاننىڭ استاناسى كابۋلدا كولىككە ورناتىلعان جارىلعىش قۇرىلعى 24 ادامنىڭ ءومىرىن قيدى، دەپ حابارلايدى BBC اقپاراتتىق اگەنتتىگى جەرگىلىكتى بيلىك وكىلدەرىنىڭ مالىمدەمەسىنە سىلتەمە جاساپ.

اۋعانىستاننىڭ ىشكى ىستەر مينيسترلىگىنىڭ وكىلى نادجيب دانيش: "تەراكتىنىڭ اسەرىنەن 42 ادام جارالانعان.  ىشىنە جارىلعىش زات ورناتىلعان بەلگىسىز ازاماتتىڭ كولىگى  ۇكىمەت باسشىسىنىڭ ورىنباسارى مۇحاممەد موحاحيكتىڭ ءۇيىنىڭ جانىنان تابىلدى.  نەگىزگى نىسان - بيلىك وكىلىنىڭ ومىرىنە قاۋىپ ءتوندىرۋ بولعانعا ۇقسايدى، دەگەنمەن ونى كۇزەتشىلەر توقتاتقان بولۋى مۇمكىن", -دەدى.

قازىرگە دەيىن جارىلىستى بىردە-ءبىر تەرروريستىك ۇيىم مەن توپتار مويىندارىنا العان جوق. دەگەنمەن بۇل جارىلىس مامىر ايىندا ەل استاناسىنداعى 150-گە جۋىق ادامنىڭ ءومىرىن قيعان، وزدىگىنەن جارىلعان جۇك كولىگى تۋرالى وقيعاعا ۇقسايدى.

بۇۇ-نىڭ كەلتىرگەن اقپاراتىنا سايكەس، اۋعانىستاندا جىل باسىنان بەرى  وسىنداي قولدان ۇيىمداستىرىلعان تەرروريستىك اكتىلەر اسەرىنەن 1 مىڭ 662 ادام كوز جۇمعان. قۇربانداردىڭ  20 پايىزى - كابۋل قالاسىنىڭ تۇرعىندارى.

“The Qazaq Times”