فوتو: mid.gov.kz

الاكول كۋرورتتىق اۋماعى ءۇشىن كولىك قولجەتىمدىلىگىن ارتتىرۋ ماقساتىندا ءۇشارال قالاسىندا اۋەجاي اشىلدى. بۇل تۋرالى الماتى وبلىسى اكىمدىگىنىڭ ءباسپاسوز قىزمەتى حابارلادى.

وبلىستىق جولاۋشى كولىگى جəنە اۆتوموبيل جولدارى باسقارماسىنىڭ باسشىسى ە. جاسىباەۆتىڭ ايتۋىنشا، əۋەجايدىڭ قۇرىلىسىنا وبلىستىق بيۋدجەتتەن 1 ملرد تەڭگەدەن استام قارجى ءبولىنىپ، قۇرىلىسىن  «ASD Group» جشس مەردىگەر مەكەمەسى جۇرگىزگەن. مۇندا «جەتىسۋ» اۆياكومپانياسى قىزمەت كورسەتەدى.

ەندى ءۇشارال اۋەجايى اپتاسىنا ءتورت رەت «استانا-ءۇشارال-استانا» جانە ءۇش رەت «تالدىقورعان – ءۇشارال – تالدىقورعان» باعىتىنداعى اۋە رەيستەرىن قابىلدايتىن بولادى. بۇل رەيستەردى سۋبسيديالاۋعا رەسپۋبليكالىق جانە وبلىستىق بيۋدجەتتەن 177,2 ملن تەڭگە قارجى ءبولىندى. استانادان ۇشاتىن رەيستىڭ قۇنى - 16 مىڭ تەڭگە، تالدىقورعان رەيسى - 8 مىڭ تەڭگە.

جالپى، الاكول ماڭىندا تۋريزم باعىتى بويىنشا 162 نىسان قىزمەت كورسەتەدى. «بيزنەستىڭ جول كارتاسى – 2020» باعدارلاماسىنىڭ وندىرىستىك ينفراقۇرىلىمدى دامىتۋ باعىتى بويىنشا 2014 جىلى 200 ملن تەڭگە، 2015 جىلى 352 ملن تەڭگە ءبولىندى.

2016 جىلى الاكولدە 452 مىڭنان استام ادام دەمالسا، بيىلعى جىلى 500  مىڭنان استام كەلەدى دەپ كۇتىلىپ وتىر.

ايتا كەتەيىك، الاكول كۋرورتتىق اۋماعىنىڭ تۋريستەر ءۇشىن پوتەنتسيالى جوعارى ەكەنىن پرەمەر-مينيستر باقىتجان ساعىنتاەۆ ايتقان. دەگەنمەن قازىرگى ۋاقىتتا الاكولگە دەمالۋعا بارۋشىلاردىڭ كوپشىلىگى ينفراقۇرىلىمنىڭ ءالى دە دۇرىس جولعا قويىلماعانىن ايتادى.

“The Qazaq Times”