تايلاند بيلىگى تۋريستىك جانە وقۋ ماقساتىمەن كەلەتىن شەتەلدىكتەرگە قويىلاتىن تالاپتاردى كۇشەيتىپ جاتىر، دەپ حابارلايدى lenta.ru.

تاراعان اقپاراتقا سەنسەك، ازيا كورولدىگىنىڭ شاكارارالىق پۋنكتەرىندە شەنەۋنىكتەر شەتەلدىك قوناقتاردان قولما-قول ارتىق 20 مىڭ بات اقشاسى بار-جوعىن سۇرايتىن بولعان. جۋرناليستەردىڭ انىقتاۋىنشا، مۇنداي شارالار ەلدەگى زاڭسىز شەتەلدىكتەرمەن كۇرەسۋ ماقساتىندا جۇزەگە اسىپ وتىر. تايلاند زاڭى بويىنشا شەتەلدىكتەر ەلگە  وقۋ نەمەسە تۋريستىك ۆيزامەن بارۋ قاجەت.

ەلدىڭ يمميگراتسيالىق قىزمەتىنىڭ وكىلى بۇل اقپاراتتى راستاعان. ءوزىنىڭ اتى-ءجونىن اتاماۋدى وتىنگەن ازاماتتىڭ سوزىنشە، تايلاندقا كەلەتىندەر ەلگە كەلگەن كەزدە ءوزىن قامتاماسىز ەتە الاتىن دالەلدەۋ كەرەك.

وسىلايشا ەندى تۋريستىك ۆيزانى راسىمدەۋ كەزىندە شەتەلدىكتەر وزىندە 20 مىڭ بات سوماسىندا قاراجاتى بارىن نەمەسە وتباسى بولسا 40 مىڭ بات اقشاسى بار ەكەنىن دالەلدەۋ قاجەت.

ايتا كەتەيىك، تۋريستەرگە قاتىستى تالاپتى كۇشەيتكەن تايلاند قانا ەمەس. مىسالى وڭتۇستىك كورەيا ەلگە كەلەتىن قازاقستاندىق تۋريستەردى قاتاڭ تەكسەرۋدى قولعا العان. كورەيا تاراپىنان جاسالعان مالىمدەمەگە سەنسەك، مۇنداي قاتاڭ شارالار ەلدەگى زاڭسىز قازاقستاندىق ميگرانتتاردىڭ كوبەيۋى سەبەپتى ەنگىزىلىپ وتىر.

“The Qazaq Times”