اقۇي: يران يادرولىق كەلىسىمنىڭ بارلىق شارتتارىن ورىنداۋدا

يران يادرولىق كەلىسىمنىڭ بارلىق شارتتارىن ورىنداۋدا دەپ حابارلايدى The New York Times باسىلىمى اقۇي اكىمشىلىگىنە سىلتەمە جاساپ.

اقش پرەزيدەنتى دونالد ترامپ شىلدەنىڭ 17-ءسى كۇنى اقۇيدە وتكەن ءباسپاسوز كونفەرەنتسياسىندا ءوزى پرەزيدەنت بولىپ سايلانعالى سىناپ كەلە جاتقان باراك وباما كەزىندە يران مەن اقش اراسىنداعى يادرولىق كەلىسىمنىڭ ورىندالا باستاعاندىعىن ەرىكسىز مويىندادى.

بىراق اقۇي اكىمشىلىگى يراننىڭ يادرولىق كەلىسىمدى ورىنداۋىن قاتاڭ قاداعالايتىنىن جانە تەرروريزمدى قولداعانى ءۇشىن الداعى ۋاقىتتا دا تەگەرانعا ەكونوميكالىق قىسىمدى كۇشەيتىنىن مالىمدەدى.

The New York Times باسىلىمىنىڭ مالىمەتىنشە، جاقىن ارالىقتا ۋاشينگتون ەۋروپالىق ارىپتەستەرىمەن بىرىگىپ يران رەجيمىنە قارسى جاڭا قادامدارعا بارماق. بۇل تىكەلەي دونالد ترامپتىڭ باستاماسىمەن جۇزەگە اساتىن بولادى.

2015 جىلعى يران مەن اقش اراسىنداعى يادرولىق كەلىسىم بويىنشا، اتقارۋشى بيلىك اقش كونگرەسىنە ءار ءۇش اي سايىن يراننىڭ يادرولىق جاعدايى جايىندا ەسەپ بەرىپ وتىرۋى ءتيىس. ەگەردە يران يادرولىق كەلىسىمدەگى بارلىق شارتتاردى ورىندايتىن بولسا، وندا تەگەراننان بارلىق حالىقارالىق سانكتسيالار الىنىپ تاستالادى.

“The Qazaq Times”