فوتو عالامتور بەتتەرىنەن الىندى.

تۇركيانىڭ  بيلىگى وتكەن جىلى ەلدە مەملەكەتتىك توڭكەرىس جاساۋعا تالپىنعان توپتىڭ قاتارىن تاعى دا 127 كۇدىكتىنىڭ ەسىمىمەن تولىقتىردى. مەملەكەتتىك توڭكەرىس جاساۋعا قاتىستى دەگەن ايىپپەن  127 ادامنىڭ 115-ءى قۇقىق قورعاۋ قىزمەتكەرلەرىنىڭ قۇرىعىنا ىلىنگەن. قالعان ازاماتتاردى ىزدەستىرۋ جۇمىستارى جۇرگىزىلىپ جاتىر. 

تۇركيانىڭ سولتۇستىك-باتىسىنداعى تەكيرداگ ايماعىندا جۇرگىزىلگەن ارنايى وپەراتسيا كەزىندە ۇستالعان كۇدىكتى ازاماتتاردىڭ قاتارىندا جۋرناليستەر، كاسىپكەرلەر، دارىگەرلەر دە بار.

ەل بيلىگى وتكەن جىلى ورىن العان مەملەكەتتىك توڭكەرىس جاساۋعا تالپىنىس وقيعاسىنىڭ باستى ۇيىمداستىرۋشىسى   اقش-تان ساياسي پانا العان فەتحۋللاح گيۋلەن دەپ ەسەپتەيدى. ۇستالعان ازاماتتار فەتحۋللاح گيۋلەننىڭ جاقتاۋشىلارى بەلسەندى پايدالاناتىن شيفرلانعان ByLock قوسىمشاسىنىڭ قولدانۋشىلارى بولىپ شىققان.

وسىدان بۇرىن بىلتىرعى داۋلى وقيعانىڭ بىرجىلدىعى قارساڭىندا تۇركيا باسشىلىعى قارۋلى كۇشتەر مەن قۇقىق قورعاۋ ورگاندارىنىڭ 7 مىڭعا جۋىق قىزمەتكەرىن جۇمىستان بوساتقان بولاتىن.

“The Qazaq Times”